Ermiyaas 1:3 - NABUWWA KEE MALIKWA

³ kaadu Yoosiyaahu baxi Yahoyaakim malik edde yekke saakuk xabba haanamaay, Yoosiyaahû-Xidkiya malik edde yekke saakuk taban kee inikhaytoh sanat tikka 'yam fanah, YALLI mango adda isi qangara kaal oobisak suge. Too sanatak konoyhaytoh alsat Yarusalaam-magaalal suggu 'ye mara seewah marin baaxo fan been.

Ermiyaas 1:3 Iomraidhean Croise

2 Malikwa 23:34

Sarrak Malik-Nako, Yoosiyaahu-baxa-Elaakim kay abbah aracal malik abe. Migaq kaak korseeh Yahoyaakim kaak iyye. Yowaacad Masri fan beeh, sarrak tokkel rabe.

2 Malikwa 24:17

Nabkadnessar, Yuudâ-malikih Yahoyaasinik-qammih-yan-numuy Mattanya deqsitahiyya hee. Migaq kaak korseeh Xidkiya kaak iyye.

1 Aydaad 3:15

Yoosiyaahu lab-xaylok ferey xaleeh; Yocanan kee Yahoyaakim kee Xidkiya kee Sallum deqsitak yenen.

Ermiyaas 1:4

Ermiyaas iyyeemih, «YALLIH qangara yol obteeh yok iyyemii, ‹Rooci kot hayyaay koo uysubukka haamak dumal elle, koo eexegeeh koo dooreh sugeeh; baadal tan ummattah yi qangara warissa'gidiiy, nabi takke'gidih, ummat addak a taamah yaguude num koo abe› yok iyye» iyye.

Ermiyaas 34:1

Baabelon malikiy migaaqah Nabkadnessar deqsitak yenehiyya, isi qaskar kee usuk amol akak raqqa 'ya doolatwah qaskar haysitta heeh, Yarusalaam magaala kee tet dariifal tan magaaloolit qeebi abak yen saaku, YALLI Ermiyaasal qangara oobise. Kaak iyyeemih,

Ermiyaas 35:1

Yoosiyaahû-Yahoyaakim Yuudâ-malikih yen dabaanal, YALLI Ermiyaasal oobise qangara ah teeti. YALLI kaak iyyemii,

Ermiyaas 36:2

«Xambaqen-warkat baahay, Israayilih yooboke maraay Yuudah yooboke mara kee, raqqa 'te doolatwah giddinaamak, anu edde yabba excem elle uktub. Yoosiyaahu malikih yen saaku naharak ko'lih edde yaabe yaabak xabba haay a saaku fan, ko'lih edde yabba exceemik tu cabe'kal uktub.

Ermiyaas 39:2

Xidkiya malik edde yekke taban kee inikhaytô sanatak fereyhaytoh alsak sagalhaytoh ayro, magaalat maroh ten gasoosa yiggileenih.

Zakariyya 7:5

«Seeka kee ummattak inkih intaamah: ‹A dabaanah malcina-tabanih liggidih gide, kulli sanatak konoyhaytoh alsa kee malcinhaytoh alsih addat abak sugten inki-inki ayroh soom akah abak sugteenim, yi nabna hinna.

Zakariyya 8:19

«Sanatak fereyhaytooy, konoyhaytooy, malcinhayto kee tabanhaytoh alsat abtan soom, Yuudâ marah farcat kee rufto le ayroora akkeleeh; tassa axcuk qiid abetton. Tonna'mmay isin numma kee wagari kicna mara takkeenimi» iyye.