Ermiyaas 1:10 - NABUWWA KEE MALIKWA

¹⁰ Ummatta kee doolat ragidik edde siibtaah deerik afah ken edde korissaah edde ken bayissaah edde ken xise kee buxux keenik edde daabise takke qande kot heeh ani'mmay a saaku tama yab yok raaqis› yok iyye» 'yaanam iyye.

Ermiyaas 1:10 Iomraidhean Croise

1 Malikwa 17:1

Eliyyas deqsita nabiy Gilqad deqsita rasuk Tisba deqsitta magaalal yenehiyya malik-Acab fan yemeeteeh kaak iyyemii, «YALLAY waaraah Israayil doore Dageltah yanihiyyay anu naqasuh akak anihiyyah migaaqal xiibitah ani immay, anu ahaysa, rob amaatele siinik axceemik dumal, namma sanat akkiiy sidooca sanat akki guffa haam fanah baaxol naafi magaca; rob marada» kaak iyye.

1 Malikwa 19:17

Cadayel-gabat rabaamih meysih kude num Yaahû-gabat rabele. Yaahuk kude num kaadu Eliisaq-gabat rabele.

Ermiyaas 24:6

Baabeloonul yaniinim fanah, innih amo keenik wagitak sugeyyooh, sarra a baaxo ken gacseyyo. Ken gacsek lakal, ken xiseyyo'kkal ken maggilaay; caxah innah ken daabiseyyo'kkal, ragidiik ken masiiba.

Ermiyaas 25:13

A kitaabal edde yabba excem abeyyooh; Baabelon baaxooxa akah inxicca exce'nnah, bayseyyo. Ermiyaas edde yaabem inkih abeyyo.

Ermiyaas 31:28

Duma ragidik ken siibak sugeeh, ragidik ken aggaluk suge. Deerik afah ken edde korisak ken bayisak suge. Duma umaane keenit edde aba uddur wagitak suge'mmay, ahak wadir edde ken xisaah daabisa uddur keenih wagteyyo.

Ermiyaas 31:40

Away baruuga kee guddaafa edde qidan golo kee, Kidroon buyyik daga le kabu raqta booxak xabba haanamaay, Faaris-Afa deqsita aracak ayrô-mawqa le qaxat raqqa 'ta baaxo inkih, yoh caben baaxoy taahirik tani akkele. Too magaala tahak wadir mataddigilaay mabaata» 'yaanam iyye.

Ermiyaas 36:2

«Xambaqen-warkat baahay, Israayilih yooboke maraay Yuudah yooboke mara kee, raqqa 'te doolatwah giddinaamak, anu edde yabba excem elle uktub. Yoosiyaahu malikih yen saaku naharak ko'lih edde yaabe yaabak xabba haay a saaku fan, ko'lih edde yabba exceemik tu cabe'kal uktub.

Ermiyaas 44:27

Masril yan Yuudâ-maraw, tahak wadir sin mawaday, sin baatih ugteyyo. Carbi kee qululut embexxa 'taanam fanah sin macaba.

Ermiyaas 45:4

yooy YALLAH yani away caxah innah daabise mara buxuxuk ayyaaqeyyooh xiseh suge mara wadir aggileyyo. A saaku inkih tan baaxo baysam faxa.

Yacedkel 21:19

«Bani-adantow, Baabelon malik seef gabat luk edde gexu duuda namma gita fiiris. Woo namma giti akak ugtam, inki baaxo. Too namma giti elle yangale ikkel, astah coox soolis. Malik yamaatu waa waqdi akah yaaxige innah, too cooxuk caxxak teeni Rabba deqsitta magaalay Qammon deqsita mari addal akak yanihiyya fanah esces. Aki caxxa kaadu Yuudâ-rasul tan Yarusalaam magaalay kaxxa gidaara lehiyya fan esces.

Yacedkel 23:36

YALLIH qangara yol obteeh; yok iyyeemih, «Bani-adantow, Ohola kee Oholibal cokmi ab. Cokmih tuk teena keenik inxic. Abeenih yanin uma taamah ken istikiy.

Yacedkel 32:18

«Bani-adantow, a axxul le Masri marah boogis. Keenik kalah yan mara lih ken hayya haay, akeera fan ken rub. Dite le kabri oobe marat yengeleeniih, woo boodo fanah oobelon.

Yacedkel 36:36

Too saaku a baatik nagay raqte ummatay cuggaaneh siinik tanihiyya, tiddigille magaalooli bicisseeh toomeh tan baaxoy bacari tekkehiyya bicissem yoo kinnim aaxigelon. Yoo YALLAY Mulki lehiyya taham abeyyoomuh xagana culaah, abeyyo» iyye.

Yacedkel 43:3

Woo waqdi wacyih ublem, Yalli Yarusalaam bayisa'gidih yemeete saaku ublem ceelak ten. Kabar deqsita weeqaytih garil uble wacyi kaadu, ta wacyi ceelak yen. Too waqdi gomboh baaxol rade.

Hosiqa 6:5

Inni nabuwway farmo gabat le sin fanah ruubeeh, uma cokmi kee baati siinit akkelem siinih akah warsem tohu. Anu siinik faxam qellu lem hinna.

Qaamus 3:7

Tonna'mmay YALLAY Mulki le kaadu, nabuwway kay naqoosah tanihiyyah takku waytam naharal warse'kal tu maaba.

Qaamus 9:11

YALLI iyyamaa, «Dawud dardaarinnay yiddigille qarih innah yiddigillehiyya edde xisu waa wakti amaatele. Gaso akak xiseyyo. Abur wadir akak aqusbuuseyyo. Duma akah suge'nnah gacseyyo.

Zakariyya 1:6

Nabuwway yi naqoosah tanihiyya lih yaabak, ‹Ama marak maabina inxicaay, yi yab macinina keenik inxica› axcuk suge'mmay, sin kaxxa abbobti tohut baaqid mahanna. Tohih sabbatah gibdi biyaakah biyaakiten. «Toh yublen waqdi sin kaxxa abbobti, ‹YALLAY Nabaamak Nabahiyya ascubuk sugem abeeh; akah iyye'nnal, nek uma-caalat kee uma taamay abnehiyyah nee digaale› axcuk, isinni dambik toobiteenih, 'yaanam keenik inxic» kaak iyye.