Caggay 2:6 - NABUWWA KEE MALIKWA

⁶ Kaadu qagseh kaak iyyeemih, « ‹Xayi waktih addat uxih qaran kee baaxooy bad kee bacari asgayyeyyo.

Caggay 2:6 Iomraidhean Croise

Yasaqya 10:25

Tah akah axcem, siinit liyo naqbi xayih gaba kaleleeh; yi bagcarrat ken bayisu waamih sabbata.

Yasaqya 13:13

Yoo YALLAY Nabaamak Nabahiyya bagcarritu waa saaku, qaran axaxiteleh, baaxo elle sugte aracak angayyele.

Yasaqya 2:19

Usuk baaxo yasgayye'gidih yamaatu waa saaku, YALLA kee kay kaxxa nabnah meysih, ummat gablah addat tambooqorem kee booriimah addat tambooqorem akkele.

Yasaqya 29:17

Dago waqlak wadir kaxxa-garboh sugte baaxo niqmatah tan buqreh-baaxo akkeleeh, woo buqreh-baaxo kaxxa-garboh innah gacele.

Yasaqya 34:4

Qaraanal tan cutuuka diyaayele. Qaran warkat innah xambaqimma 'yeh qellitele. Cutuuka, qinab xala cooxih caffa kee sublâ-xaylo caxak elle luqta'nnal, luuqele.

Ermiyaas 33:14

YALLI iyyemii, «Israayil kee Yuudâ marah, niqmatat ken xiiniseyyoomuh duma culeh an xagna duudusu waa ayroora amaatele.

Ermiyaas 51:33

Macaay inteenik, YALLAY Nabaamak Nabah, Israayil doore Dagelta kinnihiyya iyyeemih, «Baabelon-magaala itqat daro elle yaggilen arac tekkeh tan. Away tet itqat aniyo'mmay, teetit garuq edde yakku waa wakti xayih» iyye.

Yacedkel 38:19

Too saaku Israayil rasul ibak gibdi baaxoh angoyyi akkelem inni bagcarray gibdihiyyah addat aybeleeleqeyyo.

Yacedkel 38:20

Kullunta takkuu, kimbir takku, naba ala takku, qunxa ala takkay, baaxol ibah gexxa 'tam takku, a baadal enna 'ya bani-adanti takku, yi meysik gexxaamah axaxitele. Qaleeli radele. Boolal bokokele. Magaaloolit maroh tan gasoosa addigillele.

Ayyuqel 3:16

YALLI Siyon qaleh amok lubak innah xongolele. Kay xongolo Yarusalaamak antaabbele. Qaran kee baaxo axaxitele. Too saaku YALLI isi ummat dacriseleeh; reebu keenih akkele.