Caggay 2:20 - NABUWWA KEE MALIKWA

²⁰ Too alsak too ayrot kaadu, YALLI nammeyhaytô-farmo kaal oobiseeh; toh ayrok labaatanna kee fereyhaytoh ayrok ten.

Caggay 2:20 Iomraidhean Croise

Qedra 5:2

Saltiyál-Darabbabel kee Yahuuxadák-Yaasuwa too namma nabi yab yoobben waqdi, Yallih Qibaadah-Qarih xisne wadir qimbisen. Too namma nabi xisol kaadu ken catteh.

Caggay 1:1

Daryawes deqsita Malik Fursi-rasul tu edde taade malikih yen dabaanal, malik edde yekke nammayhaytô sanatak leceyhaytoh alsak inikhaytoh ayro, YALLIH farmo nabi Caggayal obte. Woo farmo YALLI akah ruubem, Darabbabel deqsita numuy Yuudâ rasul abbah sugehiyya kee Yoosuwa deqsita numuy woo rasul kaxxa seekih yenehiyyak ten. Darabbabel Saltiyal deqsita numih baxak ten. Yoosuwa kaadu Yahuuxadak deqsita numih baxak ten.

Caggay 1:15

Too qarih xisne edde qimbiseenim, Daryawes tu edde taade malik edde yekke nammeyhaytô sanatak leceyhaytoh alsak labaatanna kee fereyhaytoh ayrok ten.

Caggay 2:1

YALLI too sanatak malcinhaytoh alsak labaatanna kee inikhaytoh ayro, nabi Caggayal qagseh farmo oobise.

Caggay 2:10

Daryawes tu edde taade malik edde yekke nammeyhaytô sanatak sagalhaytoh alsak labaatanna kee fereyhaytoh ayro, YALLAY Nabaamak Nabahiyya kaadu Caggayal farmo oobise.

Zakariyya 1:1

Daryawes Fursi-rasul tu edde taade malik yakkeemih nammeyhaytô-sanatak bacarhaytoh alsat, YALLI Zakariyyal farmo oobise. Zakariyya Barkiyya deqsita numih baxak ten. Barkiyyah abba Qiddo deqsita numuk ten.

Zakariyya 7:1

Daryawes tu edde taade malik edde yekke fereyhaytô sanatak, Kislaw deqsita alsay sanatak sagalhaytoh yamaatehiyyak fereyhaytoh ayrot, YALLI farmo yol oobise.