Cabakkuk 3:7 - NABUWWA KEE MALIKWA

⁷ Kusaanah yooboke mari, kaak cunxitah innih uble; Miidiyan-mari isi qarwal, kaak cunxitak axaxitah, anu inni namma intih uble.

Cabakkuk 3:7 Iomraidhean Croise

Ermiyaas 49:29

Siraqwa kee illi keenik dannabah orbisa. Siraq addal lon reebuh haan sara keenik beya. Siraq addal elle haanamak tu macabinay dannabah keenik beya. Gaala kaadu keenik buuba. Too waqdi ‹Kulli ikkel cunxo net qidan!› 'yaanam axcelon.

Yoosuwa 2:10

Isin Masrik gexxen saaku Qasa Badak tabten waqdi, YALLI Qasa Bad siinik foocat elle kafise inna noobbeh. Amoorâ-malikih nammayay Ordon weeqaytuk ayrô-mawqa le kabut raqta baaxol yenehiyyay migaaqah Sicon kee Qoog deqsitak yenehiyya elle qidden inna kaadu noobbeh.

Yoosuwa 9:24

Oson too waqdi iyyeenimii, «Tah innem kinni. Tah akah innem, YALLAY sin Dagelta kinnihiyya isin bisoh gutuqak elle tamaateenimil, a inkih tan baaxo siinih yeceeh; tet addal yan mara qiddaana'gidih, isi naqasuh yen Muusa amrisem noobbeeh; toh numma kinnim neexegeh. Tohuh siinik meysinneh sugneemih sabbatah inne. Ninni roocih meysitak sugne.

Makaabon 8:12

Too waqdi Miidiyan marih namma malikiy Debac kee Xalmunna deqsitak tenehiyya kuddeh. Takkay immay Gidqoon lakak ken yeyreddeeh sarrak ken yibbixe. Toh tuble waqdi ken qaskar abtam waagisseeh, inkih qaxxaagiteenih.