Cabakkuk 3:18 - NABUWWA KEE MALIKWA

¹⁸ taham inkih net takke way, YALLI yoo catam aaxaguk, ruffu axceeh, kaxxam tassa axce. Yi Dagelta assakooteyyo.

Cabakkuk 3:18 Iomraidhean Croise

2 Samuwel 6:15

Tonnal kaa kee Israayil ummat YALLIH Qahdi addat akak yan Sandug qililisakaay *baanta aagaruk farcatat Yarusalaam fan baahen.

Yasaqya 12:2

Wadeenah yok tanim Yalla; toh aaxigeh; digga liyo. Kaa aamineh, tuk mameysita. Qande akak geem YALLA kinni; kay dacayrih guba edde anim. YALLAY yoo wade kaa kinni. Faylisam YALLAY yoo wada>> 'yaanam axcetton.

Yasaqya 25:9

Aham takku wayta saaku kulli num, «YALLI ni Dagelta kinnih, kibaal kaal hayneh, nee wadeh. Yalli kaa kinnih, kaa naamineh. Nee waddem kaa kinnuk, nafriceemiiy wallinnaama» axcelon.

Yasaqya 41:16

Qaraanal siisah innah ken fikiikisetton; silayti qaraanal ken beele. Caaco baaxol ken fuluulukusele. Toh tabloonu waytan waqdi, YALLAT ruffa axcetton. Israayil doore Dageltay *Kudduusuk yanihiyya assakootetton. Tahat yabtam yoo YALLA» 'yaanam iyye.

Yasaqya 61:10

Yi rufto akak tanim YALLAAY; yi Dagelta aaxaguk kaxxam tassa axce. Macaay inteenik, qarus kee qibna digib sartanat akah bilqitte'nnal, YALLI wadu-kee-qadaalat sartanat yot hee.

Ayyuqel 2:23

Siyon maraw, YALLAY sin Dagelta kinnihiyya siinih abem ubulay, ruffa 'xica. Duma elle ruubak suge'nnal, dabayba kee karmaay sugumul, dudda le rob siinih ruubeh yan.

Miika 7:7

Yoh tu gactek, anu YALLI abam YALLAK qambaaleyyo. Yi Dagelti yoo catelem aaxigeeh, kaa qambaaleyyo. Yi Dagelti yi yab aabbele» iyye.

Zakariyya 10:7

Israayil mari carbil celeema akkele. Qinabak bicsen kamri yooqobe marih innah farcaanak gacelon. Keenik rade mari taham kassiteleeh; too waqdi YALLI ken kaxxa abbobtih xiqem kassitak ruffu axcelon.

1 Samuwel 2:1

Canna YALLA faylisak inteemih, «Anu rufto akak liyom YALLA. YALLI yoh abe maqaanek gexxaamah qande baaheh, yoo niqibuk suge maral usuuleh. YALLI yoh abe maqaaneh kaxxam ruffu axce.