Cabakkuk 3:16 - NABUWWA KEE MALIKWA

¹⁶ Tah oobbe way yi Dageltaw, axaxiteeh, kumkummateh. Sokaati yok axaxitteh; ibi yok kadiidimiteh; ariiqo yok axaxitteh. Nel umaane baaha mara, neh digaalla haytam fanah, asbireyyooh, qambaaleyyo.

Cabakkuk 3:16 Iomraidhean Croise

Yasaqya 21:3

Taham acsube waqdi, xagar yok kaxxa biyaakah biyaakita. Lacawat tan barrah innah biyaakita. Aytik oobbeemik meysi yoo tibbixeeh; intih ubleemik cunxita.

Ermiyaas 23:9

Ermiyaas dirab le nabuwwah giddinaamak iyyeemih, «Cisab yoo yibbixeeh; afqado dub yok inta; xagar yok axaxitah. YALLAY *kudduusuk yani kee Yallih qangarah meysih, yiskire numih innah gaceh an. Mango kamri yooqobe numih bis elle an.

Ermiyaas 30:7

Kaxxam uma ayro amaatele. Too ayroh innah tan ayro way matamaata. Yaqkuubuk rade mari too ayro abam waagisele'mmay, tohuh rabak cattiimelon» iyye.

Ermiyaas 4:19

Ermiyaas iyyemii, «Anu woyyow, kaxxam keenih biyaakitah an. Woyyow yi ulqow! Ulqi ah yok xiqah mayan! Qeebih yamaate mari aba tirtira kee baantah ugura yol raddah taniih; aham aabbih tibba axcem yoh takkeh matan.

Ermiyaas 5:15

Tonna leemiik YALLI siinik iyyaamah, «Israayil maraw, qeebi siinit abaana'gidih doolat xer baaxok siinit ruubeyyo. Too doolat dumaak sugte doolataay; isin cayla akah geytan doolat hinna. Af keenik kaadu mataaxigan.

Yacedkel 3:14

YALLIH qande maqar luk xagarat yok culte. Yallih Roocaaniyya yoo tukkuqe waqdi, tu'naqabu kee bagcarra xagarat yok culte.

Daaniyel 10:8

Tonna leemiik anu tokkel ta suwaawur innah taniimiy qajiibik tanihiyya wagitak dibuk elle raaqe. Boolaateh, qande luk maraaqiyyo. Fooci yok gombod ceelot gace.

Daaniyel 10:9

Kay anay oobbe waqdi, baaxok bagul afah radeeh inni kasat maraaqiyyo.

Daaniyel 8:27

Anu tohuk lakal dago ayroora boolaateeh, biyaakitak suge. Sarrak ugutta exceh, malik yoo edde hee taamah gexe. Takkay immay ta wacyik gexxaamah, cisabbootiyyat sugeeh; usuk elle yani'nnih adda cedu effereh.

Cabakkuk 3:2

YALLAW, duma abtem kok oobbeh. Migaq gexxo le Dagelta kinnitom, YALLAW, aaxigeh. YALLAW, kok abto digga haa; duma-abtem cubbusa waqdi, qagabsitah, qagab axce. Kaxxa abittoy dumah abte, ni dabaanal kaadu qagis. Isi qande nee uybulluyaay isi bagcarrak nee cataay, isi racmatta nel oobis.