Cabakkuk 2:7 - NABUWWA KEE MALIKWA

⁷ Mago akak beyten mari cube'kal guutuh sin gorriselon. Too mari siinit yamaatu waa waqdi gilic siinit heele. Litoonum siinik buubelon.

Cabakkuk 2:7 Iomraidhean Croise

Yasaqya 11:13

Israayil ummatta Yuudah lon kuuxewaynaan kee naqabu cabelon. Yuudâ-mari kaadu Israayil marah kuuxewaynaan kee naqabu bagut maha.

Yasaqya 41:25

Tonna'mmay kilbatak num ugseh aniih; too num amaatele. Ayrô-mawqa le kabuk, yi migaq fayya haa'gidih, amaatele. Too num baaxok abbobtih yan marat, kalla arqusan waqdi kallat elle yaaqiten innal, keenit aaqitele. Buuti kallak bicsa num woo kalla arqusa waqdi elle yaaqite'nnah, keenit aaqitele.

Yasaqya 46:11

Ayrô-mawqa le kabuk qawita ceela numuh seecah an. Too num xer baaxok kaxxa dadah abak amaatele. Anu abam faxam kay gabat bicseyyo. Taham akkeleemit yaabeh ani'mmay fanat mayseeda.

Yasaqya 47:11

Bala siinil oobele'mmay, too bala isinnik akah kaltan inna mageytan. Masiibat sin abbixele'mmay, faxe sicri siinik mawaasa. Cube waak sugten bala kee qaasir-umaane sin abbixele.

Ermiyaas 51:11

YALLI Baabelon baysam faxaah, tohuk gexxaamah Meediya deqsitta baaxoh malikwa keenit ruubah yan. Kay Qibaadah-Qarit aben umaaneh sabbatah, keenil obtu wayta bala bical tanik, carbi amrissa qaskar, «Gaysê-baxa arbaqa (samlisa)» inta. «Goobwa haysita» inta.

Ermiyaas 51:57

YALLI iyyemii, «Abbobtih yan mara kee kasloytitiiy, xintoh abbobti kee doolatak saqoltih yan mara kee, agiirah tan qaskaray Baabeloonul tanihiyya askiriseyyo. Woo sikratat aboonu waan xiinik way muugutan. Tahat yabtam yoo Maliki. Anu YALLAY Nabaamak Nabahiyya kinniyo» iyye.

Ermiyaas 8:17

YALLI iyyeemih, «Ubula bas! Abeesaasay summi lehiyya siinit ruubeyyo. Abeesaasak elle tasillimen inna mageytan. Siinit arele. Tah intam yoo YALLA» iyye.