Cabakkuk 2:3 - NABUWWA KEE MALIKWA

³ Away koh warisu waam edde takku wayta ayro uxih taniimih sabbatah, uktubay sug. Takkay immay maxeeriiy, too ayro xayuk amaatele. Anu koo ayballayu waam nummah akkele. Raagelem akkaletto'mmay takkem fanah qambaalay sug. Udurra mabtaay, akkele» iyye.

Cabakkuk 2:3 Iomraidhean Croise

2 Malikwa 6:33

Usuk a yaabak gaba kale waqdi, malik yemeeteeh iyyemii, «A umaane nel bahtem YALLA kinni way, tuk teena neh abele exceh macah kaa qambaala?» iyye.

Yasaqya 30:18

Tonna'mmay YALLI, tohuh, isi niqmat siinil oobisam faxaah; kaadu siinih racmata'gidih ugtele. Macaay inteenik, YALLI cakki le Dagelta kinni. Kaal kibaal haa mari ruffu iyya mara.

Yasaqya 7:4

Too waqdi ‹Cisabbootiyyak isi dacrisaay mameysitinay mawariggitin› kaak inxic» iyye. «Malik Raaxin kee kay mara kee, tonnah kaadu, Ramalyaahû-baxih kaxxa bagcarra, namma caxxat gexxa girah qeerih gide.

Yasaqya 8:17

YALLI isi marak is yooqoreh immay anu niyak kaa aamineeh; niya elle liyom kaa.

Ermiyaas 27:7

Kay dardaarinni edde baya ayro fanah, kulli doolat kaa kee kay xaylo kee kay xayloh-xayloh naqoosa akkelon. Tohuk lakal miduh kay mari gersi doolatay qande lehiyyah naqoosa akkelon.

Yacedkel 12:25

Yoo YALLAY Mulki lehiyya abu waamat yaabeyyooh; inxicca excem muudurruttay akkele. Makoleelay, siinik abeyyo excem abeyyooh; isin addunyal anih, akah takke'nnah abeyyo. Tahat yabtam yoo YALLAY Mulki lehiyya› iyye.

Yacedkel 30:9

Too ayroy Masri finqa yakku waahiyyal, amaanah xiinak suge Kuus marat cube waak sugen cunxo qidu waa farmoytit markabat ruubeyyo. Too ayro xayyowteh taniih; xayuk amaateleeh; cunxo keenit heele.

Daaniyel 10:14

Away akah emeetem, sarra yan saaku ku marat takku waytam koh warsa'gidi. Ah sarra takku waytaamih wacyi› yok iyye.

Daaniyel 11:27

Sarrak a namma malik maaqo titta lih takme'gidih inki ikkel daffeele. Num numuh umam keenik acsubeleeh, num numul dirab keenik aceele. Wakti akak gufe'kal sugeemih sabbatah, faxak sugeenim mageyan.

Daaniyel 11:35

Ummatta agirribuk taahirrowta'gidih, woo kasloytiitih tan miracwak tu takkem annikissele. Taham ellecabô-waktiy Yalli yaaxigehiyya tamaatem fan akkuk sugele.

Daaniyel 8:17

Too waqdi Jibriil yemeeteh, xaqut yok soole. Anu too waqdi kaxxam wariggiteeh, baaxol gommoh rade. Jibriil too waqdi yok iyyeemih, «Atu cagal bani-adantu kinnito'mmay, ahamak maqna ixig. A soono edde yabtam, ellecabô-wakti» iyye.

Daaniyel 8:19

Iyyeemih, «Yallih naqbih ellecabo edde cabtam koh warisu waa. A suwaawur, kulliimik ellecaboy Yalli edde yaabe ayro tamaatu waytahiyya neh yascasse.

Daaniyel 9:24

Ku magaalay taahirik tani kee ku ummattah, waktik malcina-tabanih waqdi malciin-gide keenih yeexege. Too waktih addat Yalli aben umaane kaleleh, dambi cabeleh, amri-cinak qafu abele. Tonnah kaadu, way kate sinni qadli gaceleeh; yublen suwaawur kee akkele akak inxicca 'yeenim inkih nummak maaciseleeh; taahirik tanim askutelon.

Miika 7:7

Yoh tu gactek, anu YALLI abam YALLAK qambaaleyyo. Yi Dagelti yoo catelem aaxigeeh, kaa qambaaleyyo. Yi Dagelti yi yab aabbele» iyye.

Xafanya 3:8

«Abletton! Ablettoonuk qambaala meqehik! Anu ummat abte umaane ummatal diggoysu waah, ken umaaneh ken digaalu waa saaki yanih. Doolatwa kee malikwa inki aracal gaabossa heeh, yi naqbi le'nna ken aybulleem faxa. Inkih tan baaxo yi naqabuh obtu wayta girat cararele.