Cabakkuk 2:19 - NABUWWA KEE MALIKWA

¹⁹ Woyyow siinit takku waytaamow! Caxxa kee xaay gabak orra heenih bicseenihiyyak «Xiinik uguta» intan. Ta xeet kee coox siinih warsa sirri maay le? Siinih tu warsam hinna'mmay xeet kee coox isih rooci mali. Bagul dahab kee lakqo akak haytaanah immay tohuh rooci mali.

Cabakkuk 2:19 Iomraidhean Croise

Yasaqya 26:14

Mayanin, alqo, boodo oobeeniih; Mayaduuran; kabrik muugutan. Ken digaalteh ken bayisse'kkal, aysa rooci keenil magaca. Ahak wadir ken kassam matan.

Yasaqya 40:19

Gabak bicsen ceeloh innah, birtak aben ceeloh innah, dahabak yuskuten ceeloy lakqok yan birtak bicseeniih, silsilatat daabiseenih, inna malim Yalli, digga.

Yasaqya 41:26

Taqbuden duyyey aham akkeleemik naharal elle yabtehiyya maay tan? Isin yallah litoonum taham naharal siinih warseh suginnay, tonnal naharal elle teexegeenih sugak tenen. Takkay immay isin yallah litoonum tahat mayaabinnaay, tu naharal mawarsinnaay; keenik inki qangara maabbinnon.

Yasaqya 44:17

Wohuk raqte bocoh tu gactek, yaqbuden ceelo akak bicissa haah, foocal akak qibaadah gomboh radan. Dooqah too ceelo kallacaanaah, «Yi dagelti kook, yoo wad» 'yaanam iyyan.

Yasaqya 46:6

Marak teeni yamaateeh santat baahe dahab yayyaaqe. Aki num kaadu yamaateeh gabat baahe lakqo yayyaaqeeh miizaanal haa. Too waqdi too dahab kee lakqoy baaheenihiyya dahab bicsa numul yeceen. Too num Yallih aftok yaqbuden ceelo akak bicsa. Too numuy toh bicsehiyyah gabah cawalah maalu yaceen. Sarrak too ceeloy gabak bicseenihiyyah gomboh radaanaah yaqbuden!

Yasaqya 57:6

Too goloolak saytun xeet beyya haytaanaah yalla axcuk taqbuden. Qinabak bicissen kamri kee daro, woo xeetih sadgatah bahtan. Anu, abtan umaane abalih, siinih xuwaawam meqem kinnim maay takkalen?

Ermiyaas 10:14

Tah inkih abalih, sahda xangi maleelay tut rade wayta tekke. Yalla axcuk yaqbuden duyye dahabak bicsa mari wohut wacarriyele. Oson bicsan yalla akak iyyan duyye anqaasah elle rabaanam ikkal, rooci leeh ufuy lem hinna. Ta duyye deedala'kkalah, tu xiqtam hinnaay tanim hinna; Yallih digaala tamaate saaku, baatu wayta duyye.

Ermiyaas 10:3

Macaay inteenik, a marih diini foyyâ-diini. Garboh addak caxa irgiqqa haanaah too caxa coox-ora-numul yaceen. Too num too caxa orra haah bicissa heek lakal, dahab kee lakqok bilan. Sarrak radaamak bismaarat aracak teenat daabisan.

Ermiyaas 10:9

Galdaddaqin lakqo Isbaaniyah rasuk baahaanaah; dahab kaadu Uufad deqsitta baaxok baahan. Tonnal gabâ-naggaarinna le mari, lakqo kee dahab kee cooxuk yalla-'yeenih-yaqbuden-duyye bicsan. Sari cixxa yaaxige mari kuclinan kee qasdiimin sara bicissa heenih sartanah edde haan. Too duyyey yaqbudeenihiyya inkih bicissam, gabâ naggaarinna le mara.

Ermiyaas 2:27

Yoo fan tafkuneenimik, darre yot cabteeniih, caxak, ‹Ni-ina› intaanaah, xaak, ‹Ni-abba› intan. Takkay immay gibdaabini siinit yakke waqdi, ‹Yallaw, nel uduuray nee wad›, yok intan.

Ermiyaas 2:28

Anu siinik axceemih: Yalla akak intan duyyey isinni gabak bicisseenihiyya ankel tan? Ta duyyey yalla akak intaanahiyya mangah sin magaaloolik madagok, gadaamittaanaah caalat siinil uma waqdi, sin akah cate waytam macaay? Sin edde wadan dudda maay lon?

Ermiyaas 51:17

Tah inkih abalih sahda xangi maleelay tut rade wayta tekke. Yalla axcuk yaqbuden duyye dahabak bicsa mari wohut wacarriyele. Oson bicsan yalla akak iyyan duyye anqaasah elle rabaanam ikkal, rooci leeh ufuy lem hinna.

Ermiyaas 51:47

Macaay inteenik, Baabelon mari yaqbude duyyey gabak bicseenihiyya edde digaalu waa wakti amaatele. Inkih yan Baabelon rasul tan ummattat umâ-yabulih tanim akkele. Tet addal yan maray qideenihiyyak raysi tet gititteh addal raaqele.

Daaniyel 3:1

Malik Nabkadnessar dahabak bicsen ceeloy xexxaarah lactam cusul takkeeh, baguh kaadu lica cusul takkehiyya bicseh, Baabelon rasuk Duura deqsitta booxal soolise.

Daaniyel 3:18

Takkay immay nee cate waamah, atu yallah litom manaqbudaay, atu soolisse ceeloh gommoh maradna» kaak iyyen.

Daaniyel 3:29

Hay, taway, anu sin aysixxigeemih: Faxe baaxoh num yakkuu, hinnay faxe nasabak yanuu, hinnay kaadu, faxe afah yaaba num takku, a sidiica numih Dagelta xaafek, iba kee gabal kaa argiqeyyooh buxa kaak abuuruh cabeyyo. Ken Dageltih innah cata gersi yalli mayana» iyye.

Daaniyel 3:7

Too ummatta inkih too duyyey gadah yaagureenih anay toobbe waqdi, woo ceeloy malik soolisehiyyah gommoh raden.

Daaniyel 5:23

qaraanal yan Goytak giddih tan taamah taamitteeh; kay qarik dannabah orbisen kobbaayiy kee sacnittel, koo kee ku xintoh miracwaay ku agabu kee caggô-gubbih caggoh ginnaaqot lito agabu, qinabak bicsen kamri tooqoben. Too waqdi yalla axcuk dahab kee lakqooy nacaas kee biriitaay coox kee xeetik bicissen duyyey tu aabbe waytah tu able waytah tu aaxige waytahiyya faylisse. Yallay koo wadaah koo qidaah atu abba haytem inkih gabat lehiyya massakaxxinnito.

Daaniyel 5:4

Oson woo qinabak bicsen kamri yooqoben waqdi, Yallih aftoh lon duyyey dahab kee lakqooy nacaas kee birtaay xeet kee cooxuk bicseenihiyyah saare aben.

Yoonas 1:5

Baddi mari wariggiteh kulli numuuy isih le yallal cato essere. Sarrak doonik sutimik cattinta'gidih, amol teetik suge quuka badal qiden. Oson tohut yanin waqdi, Yoonas doonikik addah culla 'yeh kaxxa xiinih xiineh yen.