Cabakkuk 2:18 - NABUWWA KEE MALIKWA

¹⁸ A xeet kee cooxuy taqbudeeni maca siinih xiqtaah? Tet le marah mannah tanim xiqta? Ah sahdayti isi gabak bicseemi'kkal tu siinih xiqtam hinnaay, deedalak sa akak geytaanam manton. Yaqbuden duyye bicse mari, isi gabat bicseemiy afak yaabe waytahiyyal yaamineh!

Cabakkuk 2:18 Iomraidhean Croise

Yasaqya 1:31

Caffaytu girat qidan way elle carara innal, cayla leela isinni uma-taamat cararele. Ta baatik num sin macata.

Yasaqya 37:38

Ayrok teena yalla iyyeh yaqbude duyyey Nisrok deqsittahiyya, wohuh bicsen qarih addal aqbuduk suge waqdi, kay xaylo nammayay migaaqah Adrammelek kee Sarxer deqsitta amma 'teh seefit kaa qiden. Sarrak Araarat deqsita rasu fan yoowwen. Kay aracal Isar-Caddon deqsita kay baxi malik yekke.

Yasaqya 40:19

Gabak bicsen ceeloh innah, birtak aben ceeloh innah, dahabak yuskuten ceeloy lakqok yan birtak bicseeniih, silsilatat daabiseenih, inna malim Yalli, digga.

Yasaqya 41:26

Taqbuden duyyey aham akkeleemik naharal elle yabtehiyya maay tan? Isin yallah litoonum taham naharal siinih warseh suginnay, tonnal naharal elle teexegeenih sugak tenen. Takkay immay isin yallah litoonum tahat mayaabinnaay, tu naharal mawarsinnaay; keenik inki qangara maabbinnon.

Yasaqya 42:17

Xeet kee coox yaqbudeeh elle yeemeneeh; gabak bicsen duyyek, ‹Ni dageltit siini› iyya mari, qaybit radeleeh, kaxxa wacarriy ken abbixele.»

Yasaqya 44:12

Birtak-duyye-bicsa-mari birta beyya haah girat diyaayisa. Too waqdi too-diyaayise-birta, kay-gaba-le-qandek, maatakat yaatukeeh missoysaah yaqbuden ceelo akak bicsa. Too ceeloh bicsat bakar kee qulul kaa yabbixe waqdi, cawalah qande kaak gexxa.

Yasaqya 45:16

Xeet kee cooxuk yaqbuden duyye bicsa mari ahat wacarriyak maacisele. Yakkeenimiik qaybit radelon.

Yasaqya 45:20

YALLI iyyamaa: Baadal tan ummattak saaboh raaqe maraw, titta fanah gacaay inki aracal gaaboowa; inkih yoo fanah amay. Cooxuk bicsen duyyey yaqbudeenihiyya ukkuqqa heeh baaxo meksiisa mari, kas cabe mara. Oson too duyyey hebeltô-tu'xiq sinnihiyya yaqbudeeniih ta duyyek, ‹Nee wada› iyyan.

Ermiyaas 10:8

Yakkeenimik inkih duquuraay; hawri akak gexe mara kinnon. Cooxuk bicsen duyyey yaqbudeenihiyya tu ken barissu madudda.

Ermiyaas 16:19

Too waqdi anu excemii, «YALLAW, qande yot haytam koo. Umaanek reebu yoh takkem koo; gadaamak eleelitam koo. Baadal tan ummatta baaxô-maggaraqak koo fanah amaateleeh, ‹Ni kaxxa abbobti tu xiqe sinni xeet kee cooxuk bicsen duyyey yalla 'yeenih yaqbudeenihiyyak sah gabat midirih tu luk masuginnon.

Ermiyaas 2:8

Seeka, ‹YALLI maca abeh?› maxacinna. Anu ruube xinto barsa mari yoo aaxige cineh. Baaxoh-abbobti anu niqibyo taamat asen. Oson nabuwwah luk sugen mari yaabe kaa tekkek, ‹Baqal woh iyye; ah iyye› 'yaanam keenik axcuk, isinnih kaadu tu xiqe sinni duyyey gabak bicseenihiyyah qibaadat gacen.

Ermiyaas 50:2

«Xaagu ummatah inkih warisa: ‹Baabelon qeebit yibbixeenih› inxica. Tah elle yaaxigoonu waan asta uybulluya! Xaaguk tu macabinay ummatah warisa. ‹Baabelon-mari yallah leemiy Marduk migaq akah abaanahiyya luk sugte qande bayteh tan. Oson yallah loonum qaybit radde. Qibaadah bicsen tasaawiriy umâ-yabulih yanihiyyal qaybih tanim baahen› keenik inxica.

Ermiyaas 51:17

Tah inkih abalih sahda xangi maleelay tut rade wayta tekke. Yalla axcuk yaqbuden duyye dahabak bicsa mari wohut wacarriyele. Oson bicsan yalla akak iyyan duyye anqaasah elle rabaanam ikkal, rooci leeh ufuy lem hinna.

Daaniyel 5:23

qaraanal yan Goytak giddih tan taamah taamitteeh; kay qarik dannabah orbisen kobbaayiy kee sacnittel, koo kee ku xintoh miracwaay ku agabu kee caggô-gubbih caggoh ginnaaqot lito agabu, qinabak bicsen kamri tooqoben. Too waqdi yalla axcuk dahab kee lakqooy nacaas kee biriitaay coox kee xeetik bicissen duyyey tu aabbe waytah tu able waytah tu aaxige waytahiyya faylisse. Yallay koo wadaah koo qidaah atu abba haytem inkih gabat lehiyya massakaxxinnito.

Qaamus 2:4

Kaadu qagissa heeh iyyemii, «Aham YALLI iyyaama. Yuudah yooboke mari fiiruk geerah dambi le taama abeenih; tohuk gexxaamah ken digaaleyyom digga le. Yoo YALLI, aba keenik exceemit maqal haysite cineeniih, yi amriy aba keenik excehiyyal anqaasah haysiten. Oson akak raden ken kaxxa abbobti aqbuduk sugte duyyey xeet kee cooxuk bicseenihiyyah qibaadat gacen. Tohuk gexxaamah makot gexa mara yekken.

Yoonas 2:8

Tuxxiq sinniimil yaamine mari YALLAY cato yacee caban.

Zakariyya 10:2

Duyye kallactaanam tu matanfiqa. Faal qida mara tu esserten waqdi, too mari siinil yaceem diraaba. «Nuble soonoh maqna siinih warsennok aytikuma» siinik iyya mari kaadu yeceem deedalaay, sahda gitak makot beyan. Tohuk gexxaamah ummat, baye illih innah, finqat tan. Abbay ken miraacisa maloonuuy, edde yaniinim gadaamah adda.

Makaabon 17:4

Takkay immay usuk beeh suge taaxige lakqo inal gacse. Kay ina woo lakqok namma boolih garsi beyya hayteeh, lakqok duyye bicsa naggaaral tecee. Too num woo lakqok yaqbuden duyyeeya bicse. Sarrak too duyyeeyay yaqbudeenihiyya Miika buxal heen.

1 Samuwel 12:21

Gabak bicsen duyyey tu akke waytaah tu xiqe sinnihiyya maqbudina. Tu xiqe wayta duyye, umaane siinit takke way, siinih xiqtam mali.