Cabakkuk 2:16 - NABUWWA KEE MALIKWA

¹⁶ Migaq elle luk sugten baaxol qaybi sin abbixele. Isin kaadu kamrit iskirra 'teenih qawrat siinik ambulleele. YALLAK migdi gabat tan digaalah kobbaayak aaqubetton. Too waqdi, a saaku liton migaq-gexxoh aftok qaybi sin abbixele.

Cabakkuk 2:16 Iomraidhean Croise

Yasaqya 20:4

Assuuriyah malik woo namma rasuk carbit yibbixe mara qasunuk beele. Qunxaamaay kaxxam inkih gambi qassih, iba qassih, deega qassih beeloonuuh, Masri mari qaybit radele.

Yasaqya 47:3

Qasunan kok ambulleeleeh qaybi kok gubbil gacele. Num siinik cabe'kal cane siinil gacseyyo» 'yaanam iyye.

Yasaqya 49:26

Siinit xukkuta mari titta akmeloonuuh; sittak caxen qabala yaaquboonu waan waqdi, kamri yooqobe marih innah askirelon. Too waqdi baadal eneyya 'ya mari, anu YALLA kinniyom aaxigele. Sin wadaah xixxibaanek sin yeyyeeqe Dagelta kinniyom aaxigelon. Yaqkuub-Dageltay cayla le kinniyom aaxigelon.»

Ermiyaas 25:15

Ermiyaas qagissa heeh iyyeemih, YALLAY Israayil doore Dagelta kinnihiyya, «Ermiyaasow! Ayka, a kobbaaya beyay anu koo elle ruuba maral ucuy. Ama kobbaaya kibuk akak tanim yi naqabu'mmay, tama naqabuk ken afqetto.

Ermiyaas 25:17

Too kobbaaya YALLIH gabak beeh, usuk «Fan bey» akak iyye marah fan beeh; ken akak efqeh.

Ermiyaas 51:57

YALLI iyyemii, «Abbobtih yan mara kee kasloytitiiy, xintoh abbobti kee doolatak saqoltih yan mara kee, agiirah tan qaskaray Baabeloonul tanihiyya askiriseyyo. Woo sikratat aboonu waan xiinik way muugutan. Tahat yabtam yoo Maliki. Anu YALLAY Nabaamak Nabahiyya kinniyo» iyye.

Ermiyaas 51:7

Baabelon yi gabat tan dahab kobbaayah bis luk ten. Inkih tan addunyal yan mara too kobbaayal yan kamrik tefqeeh, too marat moyya gexxe.

Yacedkel 23:33

Too kobbaayay ku maqanxa Samaariya akak tooqobe, umaane kee cunxo addat le. Koo askiriseleeh koo biyaakele.

Hosiqa 4:7

«Isin seekak, elle andarruk tandarreenimil, abtan dambi siinik amagguk yamagge. Tohih sabbatah meqe migaq elle luk tenen ikkel qaybik sin qideyyo.

Hosiqa 7:5

Malik xigla edde abe ayro, kaal malse mari kaa kee kay gubal tan abbobti qinab-kamrit iskirra 'teh hangi keenik akah gexa innah aben. Usuk kaal malse mari abah yan anqaasat gaba yessegelle.

Cabakkuk 2:10

Abba haak sugten umaane, sin kee sin buxah marah qaybi xalele. Mango baaxo bayisseenih, finqa siinih xalele.

Cabakkuk 2:15

Sin naqbi kamri inna le. Cuggaaneh siinik tan baaxooxah marah, kamri taceen. Qaybik radak qasunuk qawrat keenik yambullee'gidih kamrit ken taskirisen. Woyyow siinit takku waytaamow!