Cabakkuk 2:10 - NABUWWA KEE MALIKWA

¹⁰ Abba haak sugten umaane, sin kee sin buxah marah qaybi xalele. Mango baaxo bayisseenih, finqa siinih xalele.

Cabakkuk 2:10 Iomraidhean Croise

1 Malikwa 2:23

Sarrak Suleeman YALLIH migaaqal xiibiteh, iyyeemih, «Qadoona, taham essereemih rabi digaala kaat abe wayya heek, Yalli yot cabe waay!

2 Malikwa 10:7

A warkat ken gufe waqdi, Samaariyah magaalah abbobti woo malcina-taban yakke Acabak rade mara inkih qideeniih, moyya keenik kafaq addat hayya heenih Yidraqel magaalal yan Yaahu fan ruuben.

2 Malikwa 9:26

‹Kimal Nabot kee kay xayloh raba ubleh immay koo kaadu too baaxol digaaleyyo› kaak iyyem hawwentaa?» iyye. «Hay, toh kassittek, Yooram-ginaada beyay, YALLI akah iyyem takke'gidih, Nabot-buqreh-baaxot qid» 'yaanam isi catottah numuy Bidkar deqsitahiyyak iyye.

Yasaqya 33:11

Bicat gactem kee sin taama inkih, kafte qaysoy hebeltô xiq sinnih bis le. Sin ufuy girah innah sin cararisele.

Ermiyaas 22:30

YALLI iyyam ah teeti: «A num xale xaylo, xale weeh gide. Abba heem gabal kaak mabicta. Yuudâ-baaxol Dawud qarkayto nagra samad kaak maraaqa. Tahat yabtam yoo YALLA» 'yaanam iyye.

Ermiyaas 26:19

Malik Ciskiyyaahu kee Yuudâ-mari, Miika toh iyyeemih kaa maqidinnon. Malik Ciskiyyaahu YALLAK meysita numuk teneeh, a magaala YALLI bayse waa'gidih YALLA kallace. Too waqdi YALLI kaadu keenil oobise raare bala keenik raaqiseh. Taway nanu kaadu too malikik kaxxih, kaa qide waynaama. Kaa qidnek, umaane ninnih ninnil bahnem deqsitele. Tonna-leemik ta num cabnaama» iyyen.

Ermiyaas 36:31

Koo kee kok rade mara kee, ku doolatak saqoltih yan mara inkih, abba hayten dambih sin digaaleyyo. Koo kee Yarusalaam magaalal yan mara kee Yuudah yooboke marak, «Maabinay uduura» 'yaanam siinik exceh suge'mmay, woh num siinik moggolinna. Tonna leemiik duma siinil oobiseyyo exce balak tu macabay siinil oobiseyyo› 'yaanam kaak inxic» iyye.

Ermiyaas 44:7

«Qagissah keenik intaamah, ‹Tonna'mmay a saaku kaadu yoo YALLAAY, Nabaamak Naba Dageltay Israayil doore kinnuk, siinik axceemih: Isin bala isinnil oobissaanam akah faxxaanam macaay? Labhaay agabuuy urru kee qunxa-urruy away yoobokehiyyak tu akah raaqe wayta'nnah, ummat finqah gexxam akah faxxaanam macaay?

Naacum 1:14

YALLI Assuuriyah-marih giddinaamak edde yaabeemih: «Migaaqat keenik elle yaaban xaylo keenik maraqta. Ken qibaadah bicsen qarwal tan Yalla akak iyyan duyye keenik bayseyyo. Assuuriyah marah kabrih bicsat an. A addunyah mano keenih mataguuda» iyye.

Cabakkuk 2:16

Migaq elle luk sugten baaxol qaybi sin abbixele. Isin kaadu kamrit iskirra 'teenih qawrat siinik ambulleele. YALLAK migdi gabat tan digaalah kobbaayak aaqubetton. Too waqdi, a saaku liton migaq-gexxoh aftok qaybi sin abbixele.