Cabakkuk 1:9 - NABUWWA KEE MALIKWA

⁹ Ken qaskar sinam dirkissa'gid kee mango baaxo qandet tabbixe'gidih amaatele. Ken yabalu waa mari wariggitele. Oson seewah been mari mangah ballaaqê gide akkele.

Cabakkuk 1:9 Iomraidhean Croise

2 Malikwa 12:17

Too dabaanal Suuriyah-Malik-Cadayel, Gat-deqsitta-magaala yibbixeh gabat raaqiseh yen. Sarrak Yarusalaam kaadu yabbixeemil malse.

Yasaqya 27:8

Ken tinqibeeh, baaxok teyyeeqe. Ayrô-mawqak silisse caacot, baaxok, YALLAW, ken tiskiliqeh.

Ermiyaas 15:8

Gubuunuh raaqe agbi mangah baddi afih qiddeytak aymaggeyyo. Oson xalen furrayna qidaana'gidih, qado loqo naqboyta keenit ruubeyyooh; inanti keenik rookitele. Cube'kal akak cunxittan umaane siinit ruubeyyo.

Ermiyaas 25:9

kilbatak sinam baaheyyooh, Baabelon malikiy migaaqah Nabkadnessar deqsitaah yi naqasuh yanihiyya siinit ruubeyyo. Ta mara bahha heeh, a baaxo kee a baaxol yan mara kee dariifal yan marat inkih ruubeyyo. Keenit tekkem yabalu waa mari hagga axcele. Buruten maray baaxot qideenihiyya ken abeyyo. Sarrah akak ugute waan baatih ken bayseyyo. Tahat yabtam yoo YALLA› iyye.

Ermiyaas 34:22

Yarusalaamat nammayhaytô qeebi abaana'gidih, uduura keenik axceyyooh; too waqdi aduureloonuuh, qeebi teetit abelon. Qeebit tet abbixeloonuuh, tet carriselon. Yuudâ-magaalooli bacarih tan baaxoy num sinniih lac sinni abeyyo. Tahat yabtam yoo YALLA› 'yaanam keenik inxic» iyye.

Ermiyaas 4:11

YALLI Yarusalaam mara lih edde yaabu waa uddur yemeeteh. Iyyu waamah, «Laqin caacayay xagar cararisahiyya bacarih tan baaxok sin fan ruubeyyo. Yamaatu waa caacay qunxa caacayay caffa gabat beya hinna.

Ermiyaas 4:7

Gablah addak yewqe lubaakih innah, ummatta bayisu waa num aracak ugteh gitat yan. Yuudâ-maraw, sin baaxo abur aba'gidih ugteeh yamaateh yan. Ummatta baysele. Elle sugten magaalooli abuuruh raaqele. Sahdayti addal akak maraaqa.

Yacedkel 17:10

Ubkak toobokeh immay mango saaku kafe'kal maay sugelee? Ayrô-mawqak yamaate caacay tet yaagure way, malaqaymumta'nnaa? Woo elle tani ikkel makafta'nnaa?› siinik iyya» iyye.

Yacedkel 19:12

Yallak naqabuk gexxaamah, bagcarritak suge mari buxuxuk sibba tet heeniih; wonnah baaxot tet qideeni. Bacarih yan rasih kabuk amaatuk sugeh yan caacay xaylo teetik kafissa hee. Tet ludway maqar luk tene bututtukku teetik inte; kafteeh girâ-boco tekke.

Daaniyel 11:17

« ‹Tohuk lakal Suuriyah malik inkih tan qaskar haysitta heeh Masri fan gexaamal malsitele. Masri doolat baysa'gidih, qalla malikit haysiteleeh, baxá digibih kaah aceele. Takkay immay too malay usuk malsehiyya kaa macattaay, gabal kaak mabicta.

Hosiqa 1:10

YALLI iyyeemih, «Takkay immay Israayil mari loowo akak duudume waytah gide akkeloonuuh; mangah baddi-afih qiddeh gide akkelon. Anu, ‹Yi mara hinniton› keenik elle exce ikkel, wadir inni mara ken abeyyooh, Yallay waarahiyyah xaylo akkelon.

Hosiqa 13:15

Israayil ummat away wir intam celtaamah; ayrô-mawqa le kabuk bacarih tan baaxok ruubu waa laqin caacay ken kafsele. Too caacay buyyitte kee qelwa keenik kafsele. Keenit muquk sugtem inkih beele.

Cabakkuk 1:17

Annal magid fanah mara foyyaysak, sugoonu waanah yanin! Baaxooxa racmatta maleh bayisak ma gide sugelon?» iyye.

Cabakkuk 1:6

Macaay inteenik, Baabelon maray racmatta sinniih, geenimit aseehede waahiyyah abbootan aceeyyo. Ta mari baaxooxat qeebi abaana'gidiiy, carbit yabbixeeni'gidih kulli baaxo fan gexelon.

Makaabon 7:12

Miidiyan kee Qamaalek kee ayrô-mawqa le kabu ten baaxol eneyya 'ya mari, woo daqaarih addal, mangah qanayti gide akkuk yeneeh; kulli'kkel cakakka 'yen. Baddi-afal qiddeyti mangah yakkeh gide yakke gaala luk yenen.