Cabakkuk 1:6 - NABUWWA KEE MALIKWA

⁶ Macaay inteenik, Baabelon maray racmatta sinniih, geenimit aseehede waahiyyah abbootan aceeyyo. Ta mari baaxooxat qeebi abaana'gidiiy, carbit yabbixeeni'gidih kulli baaxo fan gexelon.

Cabakkuk 1:6 Iomraidhean Croise

2 Malikwa 24:1

Yahoyaakim malikih suge saaku, Baabelon-malikih suge Nabkadnessar Yuudâ-rasu warare. Tohuk wadir Yahoyaakim Nabkadnessar-milkih gace. Sidooca sanatak lakal, kay milkih gacaanam cineh.

2 Malikwa 24:2

Too waqdi YALLI, isi nabuwwak dumaak akah iyyeh suge innah, Baabelon kee Suuriya kee Mooyab kee Qammon qaskar Yuudâ-rasu bayissa'gidih kaat ruube.

2 Aydaad 36:17

YALLI Baabelon-malikiy qeebit ken selu waahiyya keenit ruube. Too malik furrayna sella keenik heeh Yallih Qibaadah-Qarih addal sugte furraynah agantah sella keenik hee. Qunxa num takkuu, idoolite num takku, lab-num takkuu, say-num takku, num keenik macabinnaay, numuh keenik maracmatinna. Yalli makkook ta malikih gabal ken hee.

2 Aydaad 36:6

Nabkadnessar deqsita malikiy Baabelon malikih yenehiyya Yuudâ-baaxo warare. Yahoyaakim nacaasak bicsen silsilatat uxuyya heeh, Baabelon fan seewah kaa bee.

Yasaqya 23:13

Baabelon mari edde yan caalat wagitay. Too mari ta saaku hebeltô-loowot mayan. Assuuriyah mari ta baaxo dubaali dabaq abe. Baabelon yabbixeeni'gidih fayya le aroocay tet akak yabbixoonu waanahiyya bicsen. Baabelon mari koositih bicsen arooca foyya keenik aben. Inkih tan magaala abuuruh cabba heen.

Ermiyaas 13:20

YALLI iyyemii, «Yarusalaam maraw, wagitay! Naqboytit kilbat le kabuk siinit tamaate. Amo elle muquk sugten mari, a saaku maca abe? Sin maray kaxxam edde akkaluk sugteenihiyya anke gexe?

Ermiyaas 21:4

YALLAY Israayil doore Dagelta kinnihiyya iyyamaa, ‹Ama ku qaskaray magaalak irol Baabelon-malikit qeebi abtahiyya qeebil gacsiiseyyo. Baabelon-malikih-qaskar ku qaskarak qeebih aysiiseyyo. Ku qaskar keenik kudeleeh; ken silaac magaalâ gudel gaaboyselon.

Ermiyaas 21:7

Koo kee ku gubal tan doolat abbobti kee, wohuk kalah yan maray carbi kee qulul kee dalkak rooci edde raaqehiyyak inkih, Baabelon malikih gabat sin aysibixeyyo. Sarrak Nabkadnessar xabba sin heeh takkeenimiik sella sin heele. Too malik siinih maracmataay, saaboh num siinik macabay, takkeenimiik sella sin heele. Tahat yabtam yoo YALLA› 'yaanam yok iyyek, tama farmo tama innal kaah warisa» 'yaanam farmoh usuk ruube maral kaah ruube.

Ermiyaas 25:9

kilbatak sinam baaheyyooh, Baabelon malikiy migaaqah Nabkadnessar deqsitaah yi naqasuh yanihiyya siinit ruubeyyo. Ta mara bahha heeh, a baaxo kee a baaxol yan mara kee dariifal yan marat inkih ruubeyyo. Keenit tekkem yabalu waa mari hagga axcele. Buruten maray baaxot qideenihiyya ken abeyyo. Sarrah akak ugute waan baatih ken bayseyyo. Tahat yabtam yoo YALLA› iyye.

Ermiyaas 30:5

YALLI iyyemii, «Meysih aban weeqih xongolo yol radda. Amaan weeh, cunxita mari aba weeqih anay aabbe.

Ermiyaas 4:11

YALLI Yarusalaam mara lih edde yaabu waa uddur yemeeteh. Iyyu waamah, «Laqin caacayay xagar cararisahiyya bacarih tan baaxok sin fan ruubeyyo. Yamaatu waa caacay qunxa caacayay caffa gabat beya hinna.

Ermiyaas 4:6

‹Asta fayya haa! Siyon qale fanah sissikuk kuda. Wadir mafkuninay isillima. Muudurrutinay kilbat le kabuk baatiy ummat seltu waytahiyya ruubam faxak xayuk isillima› keenik inxica.

Ermiyaas 4:8

YALLIH bagcarray kaxxam gibdihiyya Yuudah-ummatta macabtak, rookitaay *qabuddat gacaay weeqaay boogisa, keenik inxic» iyye.

Ermiyaas 5:15

Tonna leemiik YALLI siinik iyyaamah, «Israayil maraw, qeebi siinit abaana'gidih doolat xer baaxok siinit ruubeyyo. Too doolat dumaak sugte doolataay; isin cayla akah geytan doolat hinna. Af keenik kaadu mataaxigan.

Ermiyaas 8:10

Tohih sabbatah oson luk sugen baaxoy buqre elle abaanahiyya, marah keenik aceeyyo. Gennaaqoh agabu keenik marah aceeyyo. Macaay inteenik, kaxxa num kee qunxa num keenik marin duyye dulmih elle beyan innih malat yan. Nabuwwa kee seeka kinni way sinam duquurussaah sinaamal dirab taceem bahte.

Yacedkel 16:40

«Xeetit koo qidaah, seefit xagar kok kuramkuru waa mara kot ugselon.

Yacedkel 21:31

Yi naqabu siinil oobisu waa waqdi, kaak yawqe girah huuri le inna abletton. Racmattak tifa sinniih, umaane abaanamak meysite sinni marih gabal sin heeyyo.

Yacedkel 28:7

racmattak tu sinniih naqboytit kok yakku waa mara kot ruubeyyo. Too mari atu isi ixxiga kee kasal geyte qax-maqaane inkih kok bayselon.

Yacedkel 31:12

Racmatta sinni maray allî baaxok yemeete tet irgiqqa heeh elle tet qideh cabe. Luud akak baaxoh addal tan qaleelah amo kee goloola kee daqaral radeh. Baadal tan ummattay woo caxah gubal silaalitak sugte wokke cabteh gexxe.

Ayyuqel 2:3

Ta qanayti, cafit gexxa gira kafin caxa elle selta innal, baaxol tanim sela. Foocat keenik tan baaxo Qadan bustaanih inna le. Salafat keenik raqta baaxo, caxa elle aabuke wayte bakarroyta celta. Tu matasillima.