Cabakkuk 1:12 - NABUWWA KEE MALIKWA

¹² Cabakkuk tohuk lakal iyyeemih: «YALLAW, atu dumaak yan Dagelta kinnitooh, waara Yalli koo. Kudduusuk yan Dagelta kinnito. Aqbudem kooy; yoo dacrissam koo. YALLAW, Baabelon mara sinaamak addak doorru hayteh nee edde digaalan qande keenit hayte.

Cabakkuk 1:12 Iomraidhean Croise

2 Malikwa 19:25

«Anu aham dumaak takku waytaamal malseh sugem maabbito'nnaa? Away woh absissem yoo. Woo gasoosa maroh edde tan magaalooli riira edde abte qande koh teceem yoo.

Yasaqya 31:1

Masri fan catoh gexa maraw, sin ikke tekkem ixiga. Isin cato Israayil doore Dageltay *kudduusuk yanil messertan; YALLAL kibaal mahaytaana'mmay, Masri-marih-fariisa kee, mango faras-gaariiray oson loonuhiyya kee, ken maray faras-amok-qeebi-abahiyyal kibaal haan.

Yasaqya 37:23

Atu xaafteeh qayto edde abtem iyya takkale? Kaxxiinah amo qaraanal elle haytem iyyaay? Caddi akah abe waytem, iyya kot celta? A ceele-waytam akak axcuk sugtem, Israayil doore Dageltay *kudduusuk yanihiyya kinnim mataaxiga'nnaa?

Yasaqya 37:26

«Anu aham takku waytaamal dumaak maliseh sugem maabbito inna? Away woh absissem yoo. Woo gasoosa maroh edde tan magaalooli riira edde abte qande koh teceem yoo.

Yasaqya 40:28

YALLI waara Goyta kinnim baad inkih gintem kaa kinnim siinih warse num maay suge? Cawal maabaay, maboolaata; kay ixxiga caddo malim aydumah mataaxigaana?

Yasaqya 43:15

Israayil ummatey, anu YALLAY *kudduusuk yan sin Dagelta kinniyo. Inkittu sin abeeh, sin malik kinniyo» iyya.

Yasaqya 49:7

Israayil ummatta wade Dageltay *kudduusuk yanihiyya, sinam intit bura leeh baadal tan ummat niqba numuy abbobtih yan marah naqasu yekkehiyyak iyyamaa: «Amoytit koo tabalu wayta waqdi, aracak ku assakaxxah ugtele. Baaxoh abbobti koo table way gomboh radele. Ta mari ta assakaxxiyya akah abu waam, YALLAY digga lehiyya isi farmoytah koo dooreemih sabbata. Yeey, ta mari ta assakaxxiyya akah abu waam, Israayil doore Dageltay kudduusuk yani isi farmoytah koo dooreemih sabbata» iyya.

Yasaqya 57:15

Macaay inteenik, daga raaqa *kudduusuk yan Dageltay kulli way waarahiyya iyyaamah: «Elle anim daga raaqah kudduusuk yan araca'mmay, toh lih kaadu yoh rammitaah toobita mara lih anyo. Ken lih akah anim, kibaal kee niya keenit haa'gidi.

Ermiyaas 30:11

Anu sin lih aniih, siinit takkeemik sin wadeyyo. Ama fixixih sin elle abbixe baaxooxah mara inkih bayseyyo'mmay, sin inkitanuuk mabaysa. Adabi akak geytan digaalah sin digaaleyyo. Celta digaala siinit abeyyooh; annaak gexxoonay sin maxca. Tahat yabtam yoo YALLA» iyye.

Ermiyaas 4:27

Macaay inteenik, YALLI, ‹Inkih tan baaxo abuuruh raaqele iyyeh immay, inkitanuuk tet bayseyyo 'yaanam maxacco.

Ermiyaas 46:28

Anu sin lih ani'mmay mameysitina. Ama fixixih sin elle abbixe baaxooxah mara inkih bayseyyo'mmay, sin inkitanuuk mabaysa. Adabi akak geytan digaalah sin digaaleyyo. Celta digaala siinit abeyyooh; annaak gexxoonay sin maxca. Tahat yabtam yoo YALLA» iyye.

Ermiyaas 5:18

YALLI iyyaamah, «Too ayroora kinni way, inni ummatta inkitanuuk mabayisa.

Yacedkel 30:25

Kaa boolaaseyyooh, Baabelon malik qande bahsiiseyyo. Inni seef kaah aceeyyooh; usuk yi seef Masri fana yascassu waa saaku, sinam inkih YALLA kinniyom yok aaxigele.

Miika 5:2

YALLI iyyeemih, «Beetlacam Efratey, Yuudâ-rasul tan magaaloolik inkih qunxa magaala kinnito. Takkay immay Israayil ummat xiinisu waa abba ku addak ayyaaqeyyo. Kay samad dumaak ugteeh, dumî-dabaanaak migaq-gexxo le marak ten» iyye.

Cabakkuk 3:2

YALLAW, duma abtem kok oobbeh. Migaq gexxo le Dagelta kinnitom, YALLAW, aaxigeh. YALLAW, kok abto digga haa; duma-abtem cubbusa waqdi, qagabsitah, qagab axce. Kaxxa abittoy dumah abte, ni dabaanal kaadu qagis. Isi qande nee uybulluyaay isi bagcarrak nee cataay, isi racmatta nel oobis.

Cabakkuk 3:6

Kay soolol baaxo tangayye. Inkih tan ummat kee ayyunti, kay wagittol axaxita. Addigille wayta qale kay wagittot riira takke. Dumî-dabaanal, xer saaku, usuk edde gexe gital sugte koomaami sutta inteh.

Malaaki 3:5

YALLAY Nabaamak Nabahiyya iyyeemih, «Anu sin mekla'gidih sin adda amaateyyo. Amaate saaku baab abaah, dalwa abaah, diraabah sumaaqitaah, taamâ-marah cawal kalitaah, gubun kee qayxiixaa kee allî-baaxoh maray ken addal yanit xukkuta maral inkih ackumeyyo. Too mari inkih, yok meysite waa mara.

Malaaki 3:6

Anu YALLA kinniyooh; inni cal makorisa. Isin kaadu Yaqkuubuk rade mara kinnitoonuuh; isinni cal makorisinniton» iyye.

1 Samuwel 2:2

YALLAY taahirik yanik sah yalli mayan. YALLIH bis lem matan. Nee dacrissam Yalla; kaak sa reebu mannu.