Aster 9:3 - NABUWWA KEE MALIKWA

³ Rakaakayittel doolat saqoltih yen maraay, ken xintoh abbobti kee malik taamak saqoltih yen mari inkih, Mordakay-meysik gexxaamah, Yahuud marih kabu gacen.

Aster 9:3 Iomraidhean Croise

Qedra 2:2

Keenik saqoltih tenem, Darabbabel kee Yaasuwa kee Nacmiya kee Seraaya kee Reelaaya kee Mordakay kee Bilsan kee Misfar kee Bigway kee Racum kee Baqna deqsita marak ten. Elle sugen baaxok isi baaxo yuduure Israayil-marak-gulub-migaq kee mangah akkuk yeneenih gide ah teeti:

Qedra 8:36

Sarrak malik yuktubeh nel yecee warkatay gabat bahnehiyya Furaat Weeqaytuk Ayrô-culma le qaxat Raaqa Rakaakayah abbobtih gabal hayne. Too abbobti ummat kee Yallih Qibaadah Qaril aban qibaadah catoh qaadah faxximma 'tam aben.

Aster 3:12

Tohuk wadir sanatak naharsi alsak taban kee sidochaytoh ayro, Haaman kutbe-abeenitih inkih seeceeh; yemeeten waqdi amri gurrah keenik iyyeemih, «Malik amol akak enna 'ya rasul yan marih af kee feerat, malik amri elle yan warkat uktubaay; too warkat xintoh-abbobti kee doolat-taamak-fayya-inta-exxal-yan-mara kee doolat-gubal-rasi-abbobtih-yan-marah inkih ruuba. Ta amri rubtam, Malik-Ekserkas kinnuk, usuk ruubeemih astah kay ferranto bagul astah akak haa» iyye.

Aster 8:17

Kulli rakaakay kee kulli magaalah addal suggu 'ye Yahuud-mari, baahen-waraakitil-tanim keenih yikriyen waqdi, farcatah kaxxa xigla aben. Ummatta mangih Yahuuduk meysitteemih sabbatah, akah aabuke ween Yahuud yekken.

Aster 8:5

Sarrak inteemih, «Atu raabitteeh, yot maqal telleeh, anu kaadu away koo esserah anim, tanim kinnim cubbussa hayta waqdi, Agag deqsita malikik rade Hammadaatá-Haaman yeceeh cabe amri abinal akah ase waa innah ab. Usuk, ‹Yahuuduh ubukka 'ye maray atu malikih elle tan rasul enna 'yahiyya inkih qida› 'yaanam iyyeh yan.

Aster 8:9

Aham edde tekkem sanatak sidochaytoh alsay Siiwan deqsitahiyyak labaatanna kee sidochaytoh ayrok ten. Mordakay malik kutbe-abeenitih secca yeeh, malik gubat xinta baaxoy Hindi-rasuk xabba haanamaay, Kuus-rasuh amma 'yaanam takkehiyyah addal tan bool kee labaatanna kee malciin takke rakaakayittel tan xintoh-abbobti kee doolat-saqolti kee doolatat-kaxxa-arac-le-marah yaktuboonu waanam keenih warse. Too mari too baaxol enna 'ya marak kulli marah le marih af kee feerat yuktuben waraakit ruuben. Yahuud marah kaadu isi af kee feerat too waraakit ruuben.

Daaniyel 3:2

Tohuk lakal, kay gubal taamita marak, malik xaylooy xintoh-abbobtiiy, xintoh abbobtih gubal taamita maraay, makaabonuuy, cokmaabaay, cokmaabak gubal yan maraay, doolat lakqo daanah gabat akak tan mara kee baddah abbobtih inkih, seeco abe. A seeco akah tekkem, malik soolise ceelo yaqbudeeni'gidik ten. Ama malik gubal taamita mari inkih woo ceeloh foocal soole waqdi,