Aster 9:17 - NABUWWA KEE MALIKWA

¹⁷ Tah edde tekkem, Adar deqsita alsak taban kee sidochaytoh ayrok ten. Taban kee fereyhaytoh ayroy ciggiltahiyya qidimik yeedeenih. Too ayro farcatak gacca 'yeenih qiidih asen.

Aster 9:17 Iomraidhean Croise

Aster 3:12

Tohuk wadir sanatak naharsi alsak taban kee sidochaytoh ayro, Haaman kutbe-abeenitih inkih seeceeh; yemeeten waqdi amri gurrah keenik iyyeemih, «Malik amol akak enna 'ya rasul yan marih af kee feerat, malik amri elle yan warkat uktubaay; too warkat xintoh-abbobti kee doolat-taamak-fayya-inta-exxal-yan-mara kee doolat-gubal-rasi-abbobtih-yan-marah inkih ruuba. Ta amri rubtam, Malik-Ekserkas kinnuk, usuk ruubeemih astah kay ferranto bagul astah akak haa» iyye.

Aster 8:9

Aham edde tekkem sanatak sidochaytoh alsay Siiwan deqsitahiyyak labaatanna kee sidochaytoh ayrok ten. Mordakay malik kutbe-abeenitih secca yeeh, malik gubat xinta baaxoy Hindi-rasuk xabba haanamaay, Kuus-rasuh amma 'yaanam takkehiyyah addal tan bool kee labaatanna kee malciin takke rakaakayittel tan xintoh-abbobti kee doolat-saqolti kee doolatat-kaxxa-arac-le-marah yaktuboonu waanam keenih warse. Too mari too baaxol enna 'ya marak kulli marah le marih af kee feerat yuktuben waraakit ruuben. Yahuud marah kaadu isi af kee feerat too waraakit ruuben.

Aster 9:1

Adar deqsita alsak taban kee sidochaytoh ayroy duma Yahuuduh yooboke mara qida 'yaanamih amri edde yeceenihiyya toofeeh; Yahuud niqibuk suggu 'ye mari too alsat isinni gubat ken haanam faxak yenen. Takkay immay toh makkinnay, wohih aftok Yahuud-mari keenik yaysem tibbixe.

Aster 9:18

Takkay immay Yahuuduk Suusa deqsitta kaxxa magaalal suge mari, too alsak taban kee konoyhaytoh ayro qiidih farcatak asen. Toh akah abeenim, taban kee sidochaytoh ayro kee taban kee fereyhaytoh ayrot naqboytiitih keenik suge mara selak suggu 'yeenih, taban kee konoyhaytoh ayrot qidimik yeedeenih. Too ayro qiidih asen.

Aster 9:21

Too waraakitil ken yiysixxigeemih, Adar alsak taban kee ferey kee taban kee konoyhaytoh ayrot kulli sanatal qiidih asa.