Aster 9:15 - NABUWWA KEE MALIKWA

¹⁵ Adar deqsita alsak taban kee fereyhaytoh ayro Yahuud mari yakkeemiik gaabowwa 'yeh Suusâ magaalah addal kaadu sidooca boolih num qiden. Too saaku kaadu duyye keenik mabennon.

Aster 9:15 Iomraidhean Croise

Aster 8:11

A waraakitiy yuktubeenil tenemii, Yahuud mari elle aninnaan ikkel umam keenil baaha marat koysitaanah bical gacaanamih ruksat malik keenih yeceeh 'yaanamak ten. Faxe rasukuuy yanoonay, gabat silac le mari Yahuud marat qeebi aben ken tekkek, lon silaacat qeebi keenit abinnaan mara seloonay, hinnay kaadu ken xaylo kee agabu qidoonay, ken duyye isinnih haysitoonay.

Aster 9:12

Sarrak malik Asterik iyyeemih, «Suusah addal dibuk Yahuud mari koona boolih num qide. Haaman xayloh agantah seleenih. Dibuk Suusâ magaalal ta gide akak qideeni aki magaaloolil wohuk fula qide'kal maraaqaanam digga le. Taway hay maca faxak raqte? Uxih faxxam tellek geetto. Kalah faxxam tellek yoh waris, koh abeyyok» teetik iyye.

Aster 9:13

Aster too waqdi kaak inteemih, «Malikow, atu raabittek, ta saaku abeenim kaadu Suusâ-magaalal beera qagsaana'gidih, ruksat keenih ucuy. Haaman xayloh tabanak raysa takara inxic» inte.

Aster 9:14

Malik is inxicca intem oggoleeh, absiiseh. Haaman xayloh tabanak ginaada gubbik bagul sahda elle table ikkel takaren.

Aster 9:16

Yahuuduk rakaakayitteh addal yen mari kaadu yittikiyeh bical gace. Ken niqibuk suge marak malcina-taban kee koona alfih num qideenih immay, duyye keenik mabuubinnon.

Aster 9:2

Yahuud mari elle aninnaan magaalak gudel keenit qeebi abuh amaatinnaan marat qeebi aboonuh ittikiyya 'yeeniih, bical gacen. Sahda elle aninnaan ikkel meysik gexxaamah, num keenit koysite cineh.