Aster 8:15 - NABUWWA KEE MALIKWA

¹⁵ Sarrak Mordakay kuclinan kee qidik yan ibak lifiq gufa kameesit gacca 'yeh, xagar meqe *baftak bicsen saroy qasdiiminan bis lehiyyak bicsen koot haysitta heeh, dahabak bicsen kalabtay kaxxahiyya amot luk, malikwa elle saritta'nnal saritta heeh, malik qarik yewqe. Suusâ gitittel kaa yublen waqdi, sahda kaxxam tifriceeh, qililiseenih.

Aster 8:15 Iomraidhean Croise

Aster 1:6

Kay qarih daaratal qidi kee kuclinan bisu le sara, qado *baftak bicsen tafulwa kee qasdiimin bisu le tafulwat, lakqok bicsen ferranway qadoo-xaluq bicsen qamidwal edde tanihiyyat oobak caben. Too sari too ayro daarat kaxxam qaxa yeymeeqe. Tonnah kaadu too daaratih bagul, qisiiy qidii kee walqin bisu le xeetiy qax-meqeeh liliq iyyahiyya heen. Tohuk bagul elle daffeyan duyyey dahab kee lakqok bicseenihiyya heen.

Aster 10:2

Malik abba hee kaxxa abtoy qagabak tanihiyya kee Mordakayah kaxxa reeda elle yacee inna yascasse aydaadi, Fursi kee Meediyah Malikwah Aydaada deqsita kitaabal yan.

Aster 3:15

Woo amri kaadu Suusâ magaalay inaytah tanihiyyal yan marah malik amrisem ascassuk, kay gubal yan mari yiysixxige. Arduk farmo beya mari kaadu kulli rakaakay fanah gexak taham yiysixxigen. Suusâ magaalah mari tah yoobbe waqdi, kinni inna waagiseh. Takkay immay malik kee Haaman too ayro titta lih daffa iyyeenih, maqab aaqabuk yenen.

Aster 5:1

Sidooca ayroh too soomut sugga 'teh; gaba kalte saaku, ugutta 'teh malikwâ-sarat gacca 'teh gexxeeh, malik qarih daaratak adda le kabuk dardaarinni korsi addal akak tan qarik foocah temeete waqdi, sollu inte. Malik too waqdi dardaarinni-korsih amol daffeyak suge.

Aster 5:11

Sarrak hidah gaddaliinok leh gide kee, xaylok xaleh gide kee, malik kaadu reedah kaa elle hee arac kee, tonnah kaadu, malik gersi marak fula kaa elle yossokoote inna keenih warse.

Aster 6:11

Haaman gexeh sartan kaah baaheh xagarat kaak heeh, sarrak farasat kaa hayya heeh, isih foocat kaak gacca 'yeh, magaalak gudet foocat kaak elle gexaamal, «Malik isih faxe numuh saraf elle aba'nna ubulaay» axcuk gexe.

Aster 8:14

Malik elle amrissa hee innal, too waraakit elle ruuben mari malik-buxah-faarisil koori hayya heenih amot akak gacca 'yeenih kaxxam xoxbisak gexen. Too amri kaadu inaytâ-magaalah ten Suusal inkih yontoobbe.