Aster 8:14 - NABUWWA KEE MALIKWA

¹⁴ Malik elle amrissa hee innal, too waraakit elle ruuben mari malik-buxah-faarisil koori hayya heenih amot akak gacca 'yeenih kaxxam xoxbisak gexen. Too amri kaadu inaytâ-magaalah ten Suusal inkih yontoobbe.

Aster 8:14 Iomraidhean Croise

1 Malikwa 4:28

Tohuk kalah kaadu, kulli num keenik, gabru deqsitta daro kee darok rade caffak isil tanim, gaari edde beyan faaris kee wohuk kalah tan faroosah maaqoh baahak yenen.

2 Aydaad 30:6

Farmoh ruuben mari, malik kee malik gubal taamita mari keenik elle iyye innal, inkih tan Yuuda kee Israayil rasu gexeeniih; yuktuben warkat akriyuk, keenik iyyeenimih, «Israayil maraw, YALLAY Abraahim kee Iscaakaay Yaqkuub doorehiyyal uduura; toh abteenik, siiniy away Assuuriyah marih gabak cate mara kinnihiyyal aduurele.

Nacmiya 1:1

Cakliyah baxi Nacmiya dudda luk abe taama ah teeti. Anu, Artacsasta Fursih malik edde yekke labaatanhaytô sanatat, Kislaw deqsita alsat, Suusa deqsitta inaytâ-magaalal en.

Aster 2:3

Atu abbah akak tan baaxol, kulli rakaakayal abbobtih yan mara dooritaay, qax-meqe baxuwwa atu dabaaqah elle tan inaytâ-magaala fanah baaha keenik inxic. Too agabu inkih seelabu-le numuy migaaqah Hegay deqsitaah ku agbih dacayrit yanihiyyah gabal hoonay. Tokkel oson qax elle yamqen diwa keenih heelon.

Aster 3:13

Kutbe-abeenit toh uktubba heenih gaba kalen waqdi, a farmoy yuktubeenihiyya gabat le mari, farmo-elle-tan-waraakit gabat luk, rakaakayitte fan arduk gexen. Too yuktuben farmoy too mari gabat beehiyyal tenemii, «Sanatak inikhaytoh alsay migaaqah Adar deqsitahiyyak taban kee sidochaytoh ayroh addat Yahuuduh ubukka 'ye marak furrayna takkuu, baxuw takkuu, idoola takkuu, agabu takkuu, urru takku num keenik macabinay yakkeenimiik ken qida» 'yaanam elle ten. «Oson edderra heenim keenik buuba» 'yaanam kaadu elle ten.

Aster 3:14

Tohim edde takku wayta ayroh bical akah gacan innah, too kutbe kulli rakaakayal enna 'ya maray mango rasuh yaabukehiyyah amri kinnim yeexegeh akah suga innah, kulli ikke ruuben.

Aster 3:15

Woo amri kaadu Suusâ magaalay inaytah tanihiyyal yan marah malik amrisem ascassuk, kay gubal yan mari yiysixxige. Arduk farmo beya mari kaadu kulli rakaakay fanah gexak taham yiysixxigen. Suusâ magaalah mari tah yoobbe waqdi, kinni inna waagiseh. Takkay immay malik kee Haaman too ayro titta lih daffa iyyeenih, maqab aaqabuk yenen.

Aster 8:13

Taham, ahak wadir, inkih yan rasul timixxige xinto akkele. Yahuud mari too ayro qeebi keenit abu waa marah bical sugelon 'yaanam elle ten.

Aster 8:15

Sarrak Mordakay kuclinan kee qidik yan ibak lifiq gufa kameesit gacca 'yeh, xagar meqe *baftak bicsen saroy qasdiiminan bis lehiyyak bicsen koot haysitta heeh, dahabak bicsen kalabtay kaxxahiyya amot luk, malikwa elle saritta'nnal saritta heeh, malik qarik yewqe. Suusâ gitittel kaa yublen waqdi, sahda kaxxam tifriceeh, qililiseenih.

Daaniyel 8:2

Soonoh ubleemih: Anu innih Qeelam baddak Suusa deqsitta magaalay gaso maroh edde tanihiyyah addal, Uulay deqsita weeqaytih garil soolak suge.

1 Samuwel 21:8

Too waqdi Dawud Acimalekik iyyeemih, «Malik amrih sissikuk ugteeh, silaacak tu gabat mabaahinniyooy, seef kinni way cabeh emeeteh ani'mmay, silaacak macaxu takku seef takku tabbixem baahey» kaak iyye.