Aster 8:10 - NABUWWA KEE MALIKWA

¹⁰ Mordakay woo yab malik-migaaqal yuskutubeeh, sarrak malik-asta kay migaaqal elle hee. Ta waraakit gabat le mari sissik-faarisiy malik qaril faarisih aben dagget yanihiyyat xoxbisak gexen.

Aster 8:10 Iomraidhean Croise

1 Malikwa 21:8

Sarrak warkat tuktubeeh; woo warkatal kay migaaqal is firmat hayte. Sarrak kaadu kay yab elle hayya hayteh, qaskar abbobti kee Yidraqel rasih makaabonuh rubte.

1 Malikwa 4:28

Tohuk kalah kaadu, kulli num keenik, gabru deqsitta daro kee darok rade caffak isil tanim, gaari edde beyan faaris kee wohuk kalah tan faroosah maaqoh baahak yenen.

2 Aydaad 30:6

Farmoh ruuben mari, malik kee malik gubal taamita mari keenik elle iyye innal, inkih tan Yuuda kee Israayil rasu gexeeniih; yuktuben warkat akriyuk, keenik iyyeenimih, «Israayil maraw, YALLAY Abraahim kee Iscaakaay Yaqkuub doorehiyyal uduura; toh abteenik, siiniy away Assuuriyah marih gabak cate mara kinnihiyyal aduurele.

Aster 8:8

Awayah tu gactek, malik migaaqal yewqe amri kee kay asta elle tan warkat korsaanam mabicta. Tonna'mmay away isinnih elle faxxa haytan gurral, Yahuud marah waraakit aktubaay, taktuben waqdi, yi migaaqal uktubay malik asta edde haa» iyye.

Yasaqya 60:6

Kulli kaalibik koo fan amaatelon. Miidiyan kee Qeefa rasuk mango soosá luk kol amaateloonuuh, kok deraafit raqta baaxol too soosák amaggeleeh; Sabâ-garik dahab kee qaydarus gaalal quukah le mari amaatele. Too mari, anu abe kaxxa taamat yaabak, yoo fayliselon.

Yasaqya 66:20

Baadal tan ummatak sin tooboko inkih, mattacoh yoh baahelon. Gaariiy faarisiiy bakil kee gaalal hayya ken heenih, Yarusalaamal tan yi qaley taahirik tani ken baahelon. Israayil mari taahirik-yan-kafaqat sadgatah daro yi Qibaadah-Qari elle baahan innal, ken baahelon.

Ermiyaas 2:23

« ‹Away nadaysa leemit maasinnino› elle intaanam mannaay? ‹Baqal deqsitta rooci sinni duyye maqbudinnino› mannal intan? Goloh addal abten dambi isinnik maay taaxigen? Taaxigeenih. Abtaanam isinnik maay tablen? Tableenih. Maatah tan ala tekken.

Ermiyaas 51:21

Faaris kee faaris amok qeebi aba mara sin gabat bayisak suge. Faras-gaari kee tet amot gacca 'yeh qeebi aba mara kaadu sin gabat bayisak suge.

Daaniyel 4:1

Malik Nabkadnessar kulli baaxol tan ummattay mango afah yabtaah mango kedoodah tanihiyyah inkih, farmo ruubeeh keenik iyyeemih, «Naharak salaamatta siinil qida. Gaddi siinik amagguk yamaggay.

Daaniyel 6:8

«Toh kulli num dirkih akah oggolaah; aham Meediya kee Fursih xintoy kore waytahiyya akah takke'nnah, isi asta elle hayte warkatal nee amris» kaak iyyen.