Aster 8:1 - NABUWWA KEE MALIKWA

¹ Too ayrot edde, Malik-Ekserkas Yahuuduk-qaduwwih-suge Haaman buxal luk suggu 'ye duyye inkih Asterih yecee. Sarrak Aster, Mordakay teetih ramad lem kaah warisseeh; tohuk wadir Mordakay malik elle yan ikke culaamih ruksat malikik geeh raaqe.

Aster 8:1 Iomraidhean Croise

Aster 1:14

Mango waqdi fayu elle esserak yenem, Karsena kee Sesar kee Admaata kee Tarsis kee Mares kee Marsana kee Mamukan deqsita marak ten. Ta malcina num, Fursi kee Meediyah rasul doolat taamak kaxxa aracal yan marak yenen; malik xaqu yamaatoonuh idni luk yenen.

Aster 2:15

Ayrok teena, malik fan gexaanam Asteril miduh temeete. Abicayil baxá Aster, Mordakayak qammih baxák ten. Tet teynebem, tet qammih yen Mordakay deqsita numuk ten. Aster yuble mari inkih tet yossokooteh. Is malik fan gexxe waqdi, Hegay deqsita seelabu-liy malik qarih addal agabu dacayrit yenehiyya teetik edde gaca iyye sartanat gacteh gexxe.

Aster 2:7

Too num nabam qax-meqe qammih baxáy migaaqah Aster deqsittahiyya luk yen. Qibraan qaadal migaaqah Hadassa teetih axcuk yenen. Tet xaleena rabte saaku, Mordakay is fan tet baaheeh isi baxáh innal tet yeynebe.

Aster 7:6

Too waqdi Aster inteemih, «Ni naqboytay nee qidsiisam faxahiyya amah kaa; ama umeeni, Haamana» kaak inte. Haaman too waqdi hagga yeeh, way malikik intik adda waggaay, way Aster fan wagga hee.

Aster 8:7

Toh yoobbe waqdi Malik-Ekserkas, Aster kee Yahuuduh yooboke Mordakayak iyyeemih, «Asterih, Haaman buxal luk suggu 'ye duyye eceeh, usuk Yahuud marah looweh suge umaaneh sabbatah kaa takkarsiiseh.