Aster 6:12 - NABUWWA KEE MALIKWA

¹² Tohuk gaba kalen waqdi, Mordakay malik qarik afa fan gexeeh, Haaman wacarriyih namma gaba amol luk isi buxah arduk yuduure.

Aster 6:12 Iomraidhean Croise

2 Samuwel 15:30

Dawud ‹Madeera-li Qale› deqsitak ten qale boogisak yewqe. Too waqdi ib-qassih yeneeh, amot saro heeh yen. Kaa'lih yen mari yakkeemiik kaak kaxxih amô-sara isik hayya heeh, woo qale kaa'lih boogisak yewqen.

2 Samuwel 17:23

Acitoofal kay fayu oggole weenim yuble waqdi, isi dananal koori hayya heeh, isi magaala yuduure. Isi buxal, buxah addah caagid bicseek lakal, ogot is qide. Sarrak magaqah kay buxah mara edde haak sugen aracat kaa heen.

1 Malikwa 20:43

Too waqdi malik Samaariyah magaala fan cer kee naqabut gexe.

1 Malikwa 21:4

Acab too waqdi Nabot kaak iyyeemih naqabu kee danni luk buxa fan gexe. Gidaarat foocah gacca 'yeh qarkaytok bagul qaxah gace. Maaqo kaah baahen waqdi, wonnah yufkuneeh maaqo akme cineh.

1 Malikwa 21:6

Usuk teetik iyyemii, «Nabotuk, ‹Qinab caxah booxa kok xaamu waah; faxxek kaadu tet aftok gersi arac koh acayu waa› exceeh; yok cineeh; maaqo akah cinam tohih sabbata» iyye.

2 Aydaad 26:20

Too waqdi Qadarya kee raqte seeka aham tubleeh; «Qibaadâ-Qarik xayuk eweq» axcuk kaa yiysissiken. Quddiyya kaadu YALLIH digaala yuble waqdi, sissikuk yewqe.

Aster 2:19

Baxuw nammayhaak gaaboysen saaku, Mordakay malik qarih taamah abbootan luk suge.

Aster 6:11

Haaman gexeh sartan kaah baaheh xagarat kaak heeh, sarrak farasat kaa hayya heeh, isih foocat kaak gacca 'yeh, magaalak gudet foocat kaak elle gexaamal, «Malik isih faxe numuh saraf elle aba'nna ubulaay» axcuk gexe.

Aster 7:8

Malik yemeete waqdi, rooci kaak wadda'gidih, kallacih is elle tan qarkaytô-bagul gommoh radda 'yeh tet kallacak suge. Malik toh yuble waqdi, «A num yi buxah addal yi barra caylisam faxa kunna!» axcuk kaat kaaye. Tonna-luk wokkel suge mari Haamanak foocal saro heen.

1 Samuwel 3:15

Tohuk wadir, Samuwel maaca fan inaaqitak suge. Sarrak ugutta 'yeh, YALLIH Qibaadah-Qarik afa fakeh. Samuwel woo yuble wacyi Qelih warsaamak meysiteh.