Aster 4:3 - NABUWWA KEE MALIKWA

³ Inkih tan rakaakayitteh adday aham amrih elle oobiseenihiyyal yan Yahuuduh ubukka 'ye mari inkih tah yoobbe waqdi, kaxxa rookah rookiten. Yakkeenimiik soomeeniih, weeqeeniih, boogiseenih. Mango mari keenik sartanah qabuudut gacca 'yeh, gomboduk bagul deerih gacen.

Aster 4:3 Iomraidhean Croise

Aster 1:1

Malik Ekserkas deqsita malik, dardaarinni korsi elle luk yen Fursi-rasuk inaytah-ten-magaalay Suusa-deqsitak-tenehiyyal gacca 'yeh Hindi-rasuk xabba haanamaay, Kuus-rasuh amma 'yaanam tan baaxoy bool kee labaatanna kee malcina rakaakay takkehiyyal ackamuk yen.

Aster 3:12

Tohuk wadir sanatak naharsi alsak taban kee sidochaytoh ayro, Haaman kutbe-abeenitih inkih seeceeh; yemeeten waqdi amri gurrah keenik iyyeemih, «Malik amol akak enna 'ya rasul yan marih af kee feerat, malik amri elle yan warkat uktubaay; too warkat xintoh-abbobti kee doolat-taamak-fayya-inta-exxal-yan-mara kee doolat-gubal-rasi-abbobtih-yan-marah inkih ruuba. Ta amri rubtam, Malik-Ekserkas kinnuk, usuk ruubeemih astah kay ferranto bagul astah akak haa» iyye.

Aster 4:16

Inteemih, «Suusâ magaalal yan Yahuud marak inkih mododa inxic. Soomaay yoh kaadu dooqa aba inxic. Sidooca bar kee laqoh tu maaqabinaay makmina keenik inxic. Yoo kee yi taamat yan baxuw kaadu toh abenno. Tohuk lakal xintol umam kinnim aaxigeh immay, tohuh, malik fanah gexeyyo. Tohuh, rabi yol yemeetek, yamaatay» 'yaanam kaah rubte.

Aster 4:2

Sarrak malik qarih afa yemeete. Takkay immay addah maculinnay afal elle yeede. Addah akah cule weem, sartanah qabudda xagaral le num malik qari culam bictaamak manannaay, tohuk gexxaamah maculinna.

Aster 4:4

Aster taamat ten baxuwwa kee seelabu le maray tet lih sugehiyya Mordakay elle yan inna teetih warsen waqdi, abtam aaxige cinteh. Sara xagaral haa'gidih, sartan kaah rubte. Takkay immay Mordakay woo sara xagaral hayu cineh.

Aster 9:31

Toh lih kaadu, «Ahak duma soom kee rookah ayroh massakaxxah madqa eyyeqqa heenih too ayro assakaxxayuk elle sugen gurral, Fuurim deqsita qiid gufa saaku sin kee siinik radu waa mara too ayro tassakaxxeenimiiy qiidih asaanama» 'yaanam elle ten. Taham amrisseeh tuktubem, Mordakay kee Asterik ten.

Yasaqya 22:12

Too ayro YALLAY Dagelta kinnih, Nabaamak Nabahiyya iyyemii, «Weeqaay boogisa. Amo isinnik moolaay sartanah *qabuddat gaca» 'yaanam siinik iyye.

Yasaqya 22:4

Tohuk gexxaamah excemii, «Kaxxa weeqah weeqam faxak, wonnah yok gaca. Anay yoo 'xica; inni maray rabehiyyah weeqay yoo inxica. Weeqe yoo makalina» exce.

Yasaqya 58:5

Soomtan waqdi, isinni biyaktaanah amo bayreh innah addah qunuunussu haytaanaah; sartanah *qabuudu xagarat haytaanah gombod baaxol caxxa hayteenih deerih elle gactan. Soomuh litoonum tahaa? Anu a soom siinik assakootem maay takkalen?› keenik axce.

Yacedkel 27:30

Too mari inkih, siisa amol caxak, weeqeeniih; gombodut yubruken.

Daaniyel 9:3

Too waqdi dooqa abeh, Yalla kallace. *Qabuddat sartanah gaccaay soomuh assa exceh, gomboduk addat daffa exce. Sarra abne umaanet yaabeeh, Yallay yi Dagelta kinnihiyya kallace. Exceemih, «Goytaw, atu naba Dagelta kinnito; nanu kok meysinnah. Koo kicna mara kee ku amri oggola mara lih abe bica xagura Dagelta kinnito. Woo mara lih lito kacni mayambaxa.

Yoonas 3:6

Nanawê magaalah malik aham yoobbe waqdi, elle suge dardaarinni korsih baguk uguttu 'yeh, edde suge ibak gulub maada kameesik katta 'yeh, *qabuddat gacca 'yeh gombod addat daffee.

Yoosuwa 7:6

Too waqdi Yoosuwa abeh yan wariggah sara isik qanxiseeh; YALLIH Qahdih-Sanduguk foocal gommoh rade. Israayil makaabon kaadu toh abteeh; tokkel aben arka yaybulleeni'gidih amol siisa luk magrib tikki 'yam fan gommoh sugen.

1 Samuwel 11:4

Tohuk lakal farmoh sinam ruubeeniih; woo mari, Gibqâ-magaalay Saawul elle yanihiyya fan yemeeteenih, woo xaagu sinaamah warsen. Too xaagu yoobben waqdi, ummatta inkih kaxxam boogisseh.