Aster 3:1 - NABUWWA KEE MALIKWA

¹ Ayrok teena Malik-Ekserkas, Haaman deqsita num reedah inkih tan muddaqiyittek daga raaqa aracal hee. Haaman Hammadaata deqsita numih baxak yen. Oson Agag deqsita numuk rade marak yenen.

Aster 3:1 Iomraidhean Croise

Qedra 7:14

Yoo kee yo'lih yan malcina numuy fayu elle baahahiyya inkih, titta elle geyya hayneh: Yuudâ-rasu kee Yarusalaam addal tan ummatta, ku Dagelti ruube xintoy ku Dagelti koo akah yeemenehiyya intam, abaanam kee abe waanam wagitta'gidih koo rubnah nan.

Aster 1:14

Mango waqdi fayu elle esserak yenem, Karsena kee Sesar kee Admaata kee Tarsis kee Mares kee Marsana kee Mamukan deqsita marak ten. Ta malcina num, Fursi kee Meediyah rasul doolat taamak kaxxa aracal yan marak yenen; malik xaqu yamaatoonuh idni luk yenen.

Aster 3:10

Toh iyye waqdi, malik feerat luk suge ferranto eyyeqqa heeh; Yahuud marih naqboytah yan Hammadaatá-Haaman gabal hee.

Aster 5:11

Sarrak hidah gaddaliinok leh gide kee, xaylok xaleh gide kee, malik kaadu reedah kaa elle hee arac kee, tonnah kaadu, malik gersi marak fula kaa elle yossokoote inna keenih warse.

Aster 7:6

Too waqdi Aster inteemih, «Ni naqboytay nee qidsiisam faxahiyya amah kaa; ama umeeni, Haamana» kaak inte. Haaman too waqdi hagga yeeh, way malikik intik adda waggaay, way Aster fan wagga hee.

Aster 8:3

Tohuk lakal Aster malikik ibak gubal raddeeh, weeqah sinkibitak kaak inteemih, «Agag deqsita malikik rade Haaman, Yahuud marah looweh suge umaane akah raaqisinnaan innah ab» kaak inte.

Daaniyel 6:2

Toh lih kaadu woo abbobti abta taama wagtaana'gidih, Daaniyel kee gersi namma num reedise. Malik isih taqbe waa'gidih, xinto meqe'nnal gexxa'gidih, woo sidiica num reedise.

1 Samuwel 15:33

Kaa baahen waqdi Samuwel kaak iyyemii, «Ku seef mango inonti xaylo maleh akah cabe'nnah, ku ina a saaku kaadu baxa maleh raaqele» kaak iyye. Sarrak YALLA elle yaqbuden aracay Gilgalal yanik foocal exxa-exxah kaa kure.

1 Samuwel 15:8

Qamaalek-marih-malikih-yen-Agag, rooci luk yibbixeeniih, raqqa 'ye mara num keenik cabe'kal sella ken hee.