Aster 2:16 - NABUWWA KEE MALIKWA

¹⁶ Ekserkas malik edde yekke malcinhaytô-sanatak taban haytoh alsay migaaqah Teebet deqsitahiyyat, Aster malikiy isi gasoh addal yanihiyyah fan baahen.

Aster 2:16 Iomraidhean Croise

Qedra 4:6

Tonnal, Ekserkas deqsita num malik edde yekke sanat, Yuuda kee Yarusalaam magaalal yan marak naqboytiitih yen mari, wayto keenik elle yuktuben warkat malikil ruuben.

Qedra 7:8

Qedra too mara luk, sanatak naharsi alsak naharsi ayrot Baabelon rasuk gexoh ugte. Safaral Yalli ken cateemih sabbatah, konoyhaytoh alsak naharsi ayrot Yarusalaam magaala gufen.

Aster 2:1

Malik bagcarra cabba heek sarra, kay barra kaal bahtem kee usuk tet giddinaamak iyyem cisab kaal tekke.

Aster 2:15

Ayrok teena, malik fan gexaanam Asteril miduh temeete. Abicayil baxá Aster, Mordakayak qammih baxák ten. Tet teynebem, tet qammih yen Mordakay deqsita numuk ten. Aster yuble mari inkih tet yossokooteh. Is malik fan gexxe waqdi, Hegay deqsita seelabu-liy malik qarih addal agabu dacayrit yenehiyya teetik edde gaca iyye sartanat gacteh gexxe.

Aster 2:17

Malik tet yuble waqdi tet yikcineeh, gersi agabuk fula tet yossokoote. Gersi agabu kee baxuuwuk inkih teetih lafte. Sarrak malik-barrat haan dardaarinni-kalabta tet amot hee. Duma barrah luk suge Wastih aftok, tet malikáh haysite.

Aster 2:3

Atu abbah akak tan baaxol, kulli rakaakayal abbobtih yan mara dooritaay, qax-meqe baxuwwa atu dabaaqah elle tan inaytâ-magaala fanah baaha keenik inxic. Too agabu inkih seelabu-le numuy migaaqah Hegay deqsitaah ku agbih dacayrit yanihiyyah gabal hoonay. Tokkel oson qax elle yamqen diwa keenih heelon.

Aster 8:9

Aham edde tekkem sanatak sidochaytoh alsay Siiwan deqsitahiyyak labaatanna kee sidochaytoh ayrok ten. Mordakay malik kutbe-abeenitih secca yeeh, malik gubat xinta baaxoy Hindi-rasuk xabba haanamaay, Kuus-rasuh amma 'yaanam takkehiyyah addal tan bool kee labaatanna kee malciin takke rakaakayittel tan xintoh-abbobti kee doolat-saqolti kee doolatat-kaxxa-arac-le-marah yaktuboonu waanam keenih warse. Too mari too baaxol enna 'ya marak kulli marah le marih af kee feerat yuktuben waraakit ruuben. Yahuud marah kaadu isi af kee feerat too waraakit ruuben.