Aster 2:13 - NABUWWA KEE MALIKWA

¹³ Kulli baxuwwa agbi elle yan aracak malik buxah fan gexxa waqdi, isih faxxa hayte sara kee bilqah haan duyyet gacca teh gexak ten.

Aster 2:13 Iomraidhean Croise

Aster 2:11

Mordakay kulli saaku, agbi elle yan qarih daaratak foocal, is akah tan innah wagittoh wonnak annah gexak yen.

Aster 2:12

Baxuw qaxa edde yamqen diwa-haytit inkih yan sanat suge. Too sanatak laca alsih gide coofaalik bicsen sukutit xagar keenik duugak sugen. Aki laca alsa kaadu, qatri kee arab xabbacoysaah qaxa yaymaaqe caxâ-sifat ken askatuk sugen. Tohuk gaba kalen saaku kulli baxuwwa midu-miduh malik fanah gexak ten.

Aster 2:14

Magrib malik qari fan gexak teneeh, aki saaku aki aracay malik caggô-gubih caggoh nikaacat yabbixe agbi elle yanihiyya tet beyak yenen. Wokkel seelabu luk yen numuy migaaqah Sagasgad deqsitak yeneeh, malik agbih dacayrit yenel tet cabak yenen. Tohuk lakal malik tet ikcinna heeh migaaqal teetih seecam fanah, kaa fan gexak mananna.