Aster 10:3 - NABUWWA KEE MALIKWA

³ Yahuuduh yooboke Mordakay, Malik-Ekserkasak kalih marak inkih, reedah amol raaqa numuk yen. Yahuud kaxxam kaa assakaxxuk teneeh, kaxxam kaadu kaa kicinuk ten. Usuk kaadu isi marah amqinnan taamah abitto kee ken amo dacrisaanam taamah luk yen.

Aster 10:3 Iomraidhean Croise

2 Aydaad 28:7

Dikri deqsita qaskariitay Israayilik yemeetehiyya, malikik baxah yan numuy migaaqah Maqseyaahu deqsitahiyya kee malik buxah xintok abbah yen Qadrikam deqsita num kee Elkaana deqsita numuy malikik elle oobaanahiyya qide.

Nacmiya 2:10

Sanballat deqsita numuy Beet-Coron deqsita magaalal yooboke kee Toobiya deqsita numuy Qammon rasul doolat saqalah yenehiyya, Israayil ummatah meqe taamat asam faxa num yemeete 'yaanam yoobben waqdi, kaxxam faxe cineenih.

Aster 2:5

Inaytâ-magaalah addal Yahuud numuy Yaaqír-Mordakay deqsitahiyya yen. Too num akah aabakuk yenem, Benyam kedok teneeh; Kees kee Simqi deqsita marak rade numuk yen.

Aster 3:2

Malik kay gubal taamitta 'ya marak inkih, «Haaman yamaate waqdi, massakaxxah gulubuh gacca 'teenih gommoh kaah rada» 'yaanam iyye. Mordakayak kalih mari, malik keenik akah iyye innah, kaa ubulla haan waqdi, gommoh kaah radak yenen.

Daaniyel 5:16

Takkay immay too maral gibdaabina lem kol sahlih taniih; sinam gita akah wayteemih atu gita geyta 'yaanam kok iyyan. Tonna leemiik atu a kiraati tikriyeeh maqna akak teexegek, malik buxah mari haa qasdiimin sartan kee dahabak bicsen silsilatay massakaxxah fillat haanahiyya koh aceeyyo. Abbootanah kaadu yok gubal sidochaytô-num akketto» kaak iyye.

Daaniyel 5:29

Too waqdiik malik isi marak, «Daaniyelih malik buxah mari haa sartanay ibak lifiq gufay qasdiimini kee, dahabak bicsen silsilat fillat kaak haa» iyye. Abbootanak kaadu isi gubal sidochaytô-num kaa abe.

Daaniyel 6:3

Daaniyel gersi marak kasah aysuk yeneemih sabbatah, xayi saakih addat, kaa'lih sinam wagittot heen mara kee baaxoh abbobtik, inkih tayse taamah taamitam kaak tumbulle. Tonna leemiik malik inkih tan baaxoh abba kaa abam faxe.

1 Samuwel 18:16

Takkay immay kaak kalih maray Israayil kee Yuudâ rasul yenehiyya inkih, carbi aben waqdi Dawud ken miraaciseemih sabbatah, kaa yikcinen.

1 Samuwel 23:17

Yi abba tu kol mabaahak, mameysitin. Yi abba Israayil-malik takku waytam koo kinnim yeexegeeh, anu reedah ku gubal gacu waam yismiteh yanik» kaak iyye.