Aster 1:10 - NABUWWA KEE MALIKWA

¹⁰ Malcinhaytoh ayro malik qinabak bicsen kamri yooqobeeh, sarrak xagar kaak dagoom laqte waqdi, seelabu le marih malciiniy dibuk kay farmot yenehiyyah seece. Too mari migaaqah Mahuman kee Bidta kee Carboona kee Bigta kee Abagta kee Deetar kee Karkas deqsitak yenen.

Aster 1:10 Iomraidhean Croise

2 Samuwel 13:28

Kay taamat yan marak iyyemii, «Amnon kaxxam yaskirem tablen waqdi, cubbusak suggu 'xicay; anu amri siinih aceeyyok, isin kaa qida. Mameysitina. ‹Macah kaa qiddeeniih?› siinik iyya mari yenek, yoo liton. Labha tikaay, tamahal namma kalbi mahana» keenik iyye.

Aster 1:9

Kay barray migaaqah Wasti deqsitak tenehiyya kaadu is le kabuk, malik qarih addal, agabuh xigla abte.

Aster 3:15

Woo amri kaadu Suusâ magaalay inaytah tanihiyyal yan marah malik amrisem ascassuk, kay gubal yan mari yiysixxige. Arduk farmo beya mari kaadu kulli rakaakay fanah gexak taham yiysixxigen. Suusâ magaalah mari tah yoobbe waqdi, kinni inna waagiseh. Takkay immay malik kee Haaman too ayro titta lih daffa iyyeenih, maqab aaqabuk yenen.

Aster 7:9

Tokkel suge marih numuy migaaqah Carboona deqsitak yenehiyya, «Ah Haaman hinnaa! Inkinnah yi amoytaw, Mordakayay ku rooci catehiyya edde takaruh isi buxal takayrih arac bicsiiseh yan. Kaa edde takaruh bicsiise arac xexxaarah labaatanna kee koona mitri yakke» iyye. Malik toh yoobbe waqdi, «Too aracat beyay Haaman takara» iyye.

Makaabon 19:6

Balli, «Meqeh hay» iyyeeh, sarrak maaqo baahen waqdi nammayak daffa 'yeenih yokmeeniih, yooqoben. Tohuk gaba kalen waqdi, kay balli qagseh kaak iyyeemih, «Ahaysa magexinay ku maganah farcitaay elle ne'lih xin» kaak iyye.

Ruut 3:7

Booqas makmo kee maqubuk gaba kalla hee waqdi xagar kaak ruffu iyye. Sarrak tittak bagul kobxisen caffali daroh xaquk xiina'gidih qaxah gacca 'ye. Too waqdi Ruut raarisak amma 'teh edde yumbuduude saro ibak kaak cankaffa hayteh ibi gubgubat kaak inaaqitte.