2 Aydaad 7:9 - NABUWWA KEE MALIKWA

⁹ Tokkel yemeete mari naharsi malcina ayro Yallih qibaadah sadgat elle aban mansaf taahirroysak saqa qidak sugeeniih, ciggilta malcina ayro kaadu Iraawô-Dabih-Qiidih asen. Tohuk ellecaboh ayroy qiidik gaba kaleenihiyya qibaadah inki aracal gaaboowen.

2 Aydaad 7:9 Iomraidhean Croise

1 Malikwa 8:65

Qibaadâ-Qaril Suleeman kee inkih tan ummatta Iraawô-Dabih-Qiid deqsita qiidih YALLAY ni Dagelta kinni aynabukuuy africuk malcina ayro qiidih asen. Too qiidih gaaboowe mari kaxxam manguk yeneeh; Camat deqsitta daabak xabba haanamaay Masri cuduudul yan daqaarah amma 'yaanam baaxok inkih mango mari woo qiidih yemeete.

2 Aydaad 30:23

kaadu aki malcina ayro qiidih asaanamal malsen. Tonnal ruffa axcuk aben.

2 Aydaad 7:10

Tohul ciggilta ayroy sanatak malcinhaytoh alsaay ayrok labaatanna kee sidochaytoh ayro kinnihiyyat Suleeman, yemeete mara, le baaxo fanah rubsuuse. Amma 'ye mari inkih, YALLI Israayil ummatay isi marah tanihiyya kee, Dawud kee Suleemanat hee barkat yubleenimih sabbatah, kaxxam ruffa iyyen.

Nacmiya 8:18

Too qiidih edde asen ayrok xabba haanamaay, qiid gaba kalla haam fanah, Tawraatal yan Yallih yaabak ayrooy rike akrayuk sugen. Too qiidih malcina ayro sugen. Malcinhaytoh ayro akah aseenik lakal, bacarhaytoh ayroy qiidik gaba kaleenihiyya, kitab elle inta'nnal, qibaadah inki aracal gaaboowen.

Ayyuqel 1:14

«Takkeenimiik inki aracal qibaadah gaabowwa 'xicay sooma» 'yaanam inxica. Yuudah abbobti akak macabinay, Yuudâ marah inkih seecaay; Qibaadâ-Qaril sin Dageltal weeqa.