2 Aydaad 7:8 - NABUWWA KEE MALIKWA

⁸ Suleeman kee inkih tan ummatta Iraawô-Dabih-Qiid deqsita qiidih kaa aynabuk africuk malcina ayro qiidih asen. Too qiidih gaaboowe mari kaxxam manguk yeneeh; Camat deqsitta daabak xabba haanamaay Masri cuduudul yan daqaarah amma 'yaanam baaxok inkih, mango mari woo qiidih yemeete.

2 Aydaad 7:8 Iomraidhean Croise

1 Malikwa 8:65

Qibaadâ-Qaril Suleeman kee inkih tan ummatta Iraawô-Dabih-Qiid deqsita qiidih YALLAY ni Dagelta kinni aynabukuuy africuk malcina ayro qiidih asen. Too qiidih gaaboowe mari kaxxam manguk yeneeh; Camat deqsitta daabak xabba haanamaay Masri cuduudul yan daqaarah amma 'yaanam baaxok inkih mango mari woo qiidih yemeete.

2 Aydaad 30:13

Nammeyhaytoh alsat Kamiir-Sinni-Gaqamboh Qiid abaana'gidih, Yarusalaamal mango mari gaaboowe.

2 Aydaad 30:26

Yarusalaam magaalah mari Dawud baxah yen Suleeman dabaanaak wadiril, annah tanim yubleh masuginnaay; tonna-leemiik kaxxam ruffa iyyen.

Yacedkel 45:25

«Iraawô-Dabih-Qiidiy sanatak malcinhaytoh alsak taban kee konoyhaytoh ayrot abaanahiyya kaadu, baaxoh abba dumî qiidih akah abe innah, malcina ayrok kulli ayro cado-akak-carrisan-sadgat kee, dambi-kalootuh-baahan-sadgatah, saqak too dumî qiidih gide qidaama. Tonnah kaadu dumak kaxxih, daro kee caxâ xaylok bicsen *zeyti sadgatah baahaama» iyye.

Yacedkel 47:20

«Ayrô culma le kabut raaqa cuduud Maditraaniyah bad kinni. Kilbat le kabuk Camat deqsita daabay gitah gacaanahiyyak foocat yan arac fan yakke.

Qaamus 6:14

Takkay immay YALLAY Nabaamak Naba Dagelta kinnihiyya isih iyyamaa, ‹Israayil ummatey, baaxo qeebit siinik yabbixeeni'gidih, marin marak qaduwwi siinit ruubeyyo. Too qaduwwi, Camat deqsita daabay gitah gacaanahiyyak xabba haanamaay Qarabâ-dora deqsitta'kkeh amma 'yaanam fan, baaxo xabba siinik heenih siinit xukkutelon› iyya» 'yaanam iyye.