2 Aydaad 7:12 - NABUWWA KEE MALIKWA

¹² YALLI barak teena kaah yumbulle. YALLI kaak iyyeemih, «Abte dooqa kok oobbeh. A qari yi sadgat elle aban qari yakke'gidih, yol abte kallaci kok oggole.

2 Aydaad 7:12 Iomraidhean Croise

1 Malikwa 9:2

Gibqoonul akah yumbulle'nnah, YALLI nammay haak kaah yumbulle.

2 Malikwa 2:6

Tohuk lakal Eliyyas Eliisaqak iyyemii, «YALLI, ‹Ordon weeqaytu fan gex› yok iyyek, atu away akkel elle sug» kaak iyye. Eliisaqah tu gactek iyyemii, «YALLAY waarahiyyah migaq kee ku manol xiibita'mmay, kok maraaqa» iyye. Tonna-leemik sitta lih bisoh gexen.

2 Malikwa 20:5

«Malik Ciskiyyaahuy yi-ummattah amoytah yani fan uduuray kaak intaamah, ‹Yoo YALLAY ku kaxxa abbah yan Dawuduk Dagelta kinnihiyya atu abte dooqa kok oobbeeh, namma intik caxxe ximo kok uble. Koo uruseyyooh, sidiica ayroh addat woo yoo elle yaqbuden qari fan gexetto.

2 Malikwa 21:7

Yallih Qibaadah-Qarih addal woo migaaqah Aseera deqsittaamay yaqbudeenihiyyah astah heeh suge gurmudda hee. Woo ceelo elle heem, YALLI Malik Dawud kee Suleemanak, «Yi qibaada kulli way elle takke'gidih, Israayil taban kee namma kedo elle tan rasuk inkih Yarusalaam addal doore araca» akak iyye aracak ten.

2 Aydaad 1:7

Too bar Yalli Suleemanah soonol yumbulleeh, kaak iyyeemih, «Maca koh abam faxxaah, yoo esseritey» iyye.

Malaaki 3:4

Yuuda kee Yarusalaam mari dumaak elle abak suge innal, Yallah sadgat abeloonuuh; YALLI kaadu dumaak keenik elle oggolak suge innal, keenik oggolele» iyye.