2 Aydaad 7:10 - NABUWWA KEE MALIKWA

¹⁰ Tohul ciggilta ayroy sanatak malcinhaytoh alsaay ayrok labaatanna kee sidochaytoh ayro kinnihiyyat Suleeman, yemeete mara, le baaxo fanah rubsuuse. Amma 'ye mari inkih, YALLI Israayil ummatay isi marah tanihiyya kee, Dawud kee Suleemanat hee barkat yubleenimih sabbatah, kaxxam ruffa iyyen.

2 Aydaad 7:10 Iomraidhean Croise

1 Malikwa 8:66

Bacarhaytoh ayro Suleeman yemeete mara le baaxo fanah rubsuuse. Too ummattay YALLI isih doorehiyya, YALLI Dawuduy kay naqasuh yenehiyya kee Israayil ummattat hee barkat yublen waqdi, kaa faylisak ruffu axcuk yuduuren.

2 Aydaad 29:36

Malik Ciskiyyaahu kee ummatta, Yalli a taama xayih gabal keenik bicseemih sabbatah, kaxxam ruffu iyyen.

2 Aydaad 30:26

Yarusalaam magaalah mari Dawud baxah yen Suleeman dabaanaak wadiril, annah tanim yubleh masuginnaay; tonna-leemiik kaxxam ruffa iyyen.

2 Aydaad 6:41

Dageltah yan YALLAW, qibaadah xisen qari fan amey, tokkel dabqih gaceey! Ku qahdi addat le sanduguy ku qandeh asta yascasse, tokkel dabqih gaceey! Dageltah yan YALLAW, ku seekah yan mari, sartan innah, cakkit gacoonay. Imaan kol le mari ku maqaanet ruffu inxicay.

2 Aydaad 7:11

Suleeman YALLIH Qibaadah-Qari kee isi qari kee, tama-qarwah-xisney niyat luk sugehiyya dudda luk gabal kaak bicca intek wadir,

2 Aydaad 7:9

Tokkel yemeete mari naharsi malcina ayro Yallih qibaadah sadgat elle aban mansaf taahirroysak saqa qidak sugeeniih, ciggilta malcina ayro kaadu Iraawô-Dabih-Qiidih asen. Tohuk ellecaboh ayroy qiidik gaba kaleenihiyya qibaadah inki aracal gaaboowen.

Nacmiya 8:10

«Ahaysa isinni buxa gexaay, meqe maaqo akumaay salfa le maqab aqubaay, qiidih asa. Liton maaqo kee maqab tu aalle waa marah acuya. A saaki ni Goytah garil taahirik tan ayrok markitina. Sin cayli, YALLI siinih yecee rufto» keenik iyyen.

Yacedkel 45:25

«Iraawô-Dabih-Qiidiy sanatak malcinhaytoh alsak taban kee konoyhaytoh ayrot abaanahiyya kaadu, baaxoh abba dumî qiidih akah abe innah, malcina ayrok kulli ayro cado-akak-carrisan-sadgat kee, dambi-kalootuh-baahan-sadgatah, saqak too dumî qiidih gide qidaama. Tonnah kaadu dumak kaxxih, daro kee caxâ xaylok bicsen *zeyti sadgatah baahaama» iyye.