1 Samuwel 2:2 - NABUWWA KEE MALIKWA

² YALLAY taahirik yanik sah yalli mayan. YALLIH bis lem matan. Nee dacrissam Yalla; kaak sa reebu mannu.

1 Samuwel 2:2 Iomraidhean Croise

2 Samuwel 22:32

Naamine YALLAK sah gersi Yalli mayan. Nee dacrissam Yalla; kaak sa reebu mannu.

2 Samuwel 7:22

YALLAW, Mulki le Dageltaw, ku nabna celtam matan. Ku bis lem matan. Yalli dibuk koo kinnim dumaak aaxaguk sugne. Yalli dibuk kooy; kok sah Yalli mayana.

1 Malikwa 8:23

Dooqah iyyeemih, «YALLAW, Israayil ummatta doore Dageltaw, kok sa qaran kee baaxol Yalli mayana. Baguuk koo taqbude ku naqoosah litoh tan kacni akak amurruqe waa Dagelta kinnitooh; keenih culte xagana duudusa Dagelta kinnito.

Yasaqya 40:18

Yallat missowtam maay tani? Yallih ceelo iyyi yaaxige? «Anna ceela, woo gurral yan» intu duddah, intam iyya?

Yasaqya 44:6

YALLAY Nabaamak Nabaah Israayil ummat wade malikik yanihiyya iyyamaa: «Qimbo yooy ellecabo yoo; yok sah Yalli mayan.

Yasaqya 44:8

Takkay immay yi ummatey, isin mameysitinaay cunxo sin abbixe waytay. Dumaak siinih warseeh, sin oysoobbeemil yi sumaq siini. Yok sa Yalli maay yan? Mayan. Anu aabbe wee yallay reebu sinaamah yakkehiyya mayan» iyyah yan.

Yasaqya 57:15

Macaay inteenik, daga raaqa *kudduusuk yan Dageltay kulli way waarahiyya iyyaamah: «Elle anim daga raaqah kudduusuk yan araca'mmay, toh lih kaadu yoh rammitaah toobita mara lih anyo. Ken lih akah anim, kibaal kee niya keenit haa'gidi.

Yasaqya 6:3

Tittah seecak yeneeniih, «YALLAY Nabaamak Nabahiyya *kudduusuk yan. YALLAY Nabaamak Nabahiyya *kudduusuk yan. YALLAY Nabaamak Nabahiyya *kudduusuk yan. Kay nabna inkih tan addunya duddah» iyyen.

Ermiyaas 10:6

YALLAW, ku bis lem matan. Atu qande le Dagelta kinnito. Ku migaq nabna kee qande le.