1 Samuwel 10:3 - NABUWWA KEE MALIKWA

³ Tokkek gexettooh, Taabor deqsita aracak woo kaxxam naba caxa elle tani ikke fan amaatetto. Tokkel sidiica numuy Beetal deqsita arac fan Yallah sadgat abaana'gidih gexxahiyya geetto. Too marak numuk teeni girgirwak sidoc beyak koh sugele; aki num sidooca gaqamboyta luk sugele; sidochaytô-numuuy qinab kamrik kibuk yan saar gabat luk koh sugele.

1 Samuwel 10:3 Iomraidhean Croise

Ermiyaas 32:8

Sarrak YALLI akah inxicca iyye'nnah, Sallúm-Canamiil casbit elle an malik qarih daarat yol yemeeteeh, ‹Yi qammih baxaw, Qanatot deqsita aracal liyo buqrê-baaxo xaamam faxak, atu yok xaamit. Cakkih kol tanik› yok iyye. Too waqdi tah YALLIH yab kinnim eexegeeh,

Yoosuwa 19:12

Saarid magaalak cuduud keenik ayrô-mawqa le kabul Kislot-Taabor deqsita rasih cuduuduh amma 'yeh; tokkeek kaadu Dabrat magaala kee Yafiyaq deqsitta magaala gufe.

Yoosuwa 19:22

Kilbat le kabul cuduud keenik Taabor deqsitta qalek Sacsiima kee Beet-Semes deqsitta magaalak tabba 'yeh ayrô-mawqa le kabul Ordon weeqaytut idiyya axcuk yen. A marih magaala tittat taban kee lica magaala akkuk ten. Toh lih kaadu woo magaaloolih dariifal tan gaandoodi edde anuk keenih yeceen.

Makaabon 20:18

Sarraa, Israayil mari Beetal deqsitta magaalal gaabooweeniih, «Yallaw, Benyam marat naharak qeebi abtu wayta kedo neh escessey?» iyyen. Too waqdi YALLIH garik, «Naharak gaaduh Yuudah yooboke mari gexay» inta qangara temeete.

Makaabon 20:27

Too saaku Yallih-Qahdih-Sandug Beetalal teneeh; seekih tenem, Haaruun baxih baxa Fincasak ten. Fincas abba Alqedara. Sarrak Israayil ummat kaadu qagitteh, «YALLAW, Benyam marih qeebit qagitnoh innaa? Maqagitnuu?» iyyen. YALLIH kabuk, «Gexay beera qeebit qagita, keenik sin aysiiseyyok» inta qangara temeete.

Makaabon 4:12

Sisra, Barak Taabor-qale yewqem yoobbe waqdi,

Makaabon 4:6

Ayrok teena Abinqám-Barak deqsita numuy Naftaali deqsitta baaxol tan Kedes deqsitta magaalal guubuh yenehiyyah farmo rubte. Farmoh kaak inteemih, «YALLAY Israayil doore Dagelta kinnihiyya amri kol oobiseh kok iyyeemih, ‹Naftaali kee Dablonuk tabna alfi yakke mara baahay Taabor qale fan ken bey.

Makaabon 8:18

Tohuk lakal Debac kee Xalmunnak iyyeemih, «Taabor deqsita aracal qidden marih xaagu baahay» keenik iyye. Osonuuy kaak iyyeenimih, «Too mari koo ceelak yeneeh; kulli num keenik malik baxih ceelo luk yen» kaak iyyen.

1 Samuwel 10:4

Too waqdi salaamatta koh abeloonuuh, sarrak namma gaqamboyta koh aceeloonuuh; beetetto.