1 Samuwel 10:1 - NABUWWA KEE MALIKWA

¹ Tohuk lakal Samuwel caxâ xaylok bicsen saliid* (zeyti) edde yan karaarat bahha heeh Saawuluk amol caxe. Sarrak fugga kaa heeh kaak iyyeemih, «YALLI, Israayiliy isi mara abehiyyah amoyta takke'gidih, koo yuskute. Atu kay mara naqboytiitik dacrisettooh, ken catetto. YALLI Israayil amoyta takke'gidih koo doorem elle taaxagu waytam macaay intek,

1 Samuwel 10:1 Iomraidhean Croise

1 Samuwel 16:13

Samuweliiy Dawud toobokoh foocal saliidit amo kaak yuskute. Too waqdiik YALLI Dawudul isi *Roocaaniyya oobiseeh; too saakuk xabba haanam YALLIH Roocaaniyya kaa'lih ten. Tohuk lakal Samuwel Raama fan yuduure.

1 Samuwel 9:16

«Beera ta uddur Benyam kedoh yaabuke num kol ruubeyyok, Israayil amoyta yakke'gidih kaa uskut. Usuk Filistiin marih gabak Israayil catele. Yi mari abe biyak kee catô-goranah aben weeqa keenik oobbeh an» 'yaanam iyyeh yen.

1 Samuwel 26:11

YALLI isih malik abe num qidaamak yoo waaseh. Leeh afleyta kee macaxu kaak luk genxay» iyye.

2 Malikwa 20:5

«Malik Ciskiyyaahuy yi-ummattah amoytah yani fan uduuray kaak intaamah, ‹Yoo YALLAY ku kaxxa abbah yan Dawuduk Dagelta kinnihiyya atu abte dooqa kok oobbeeh, namma intik caxxe ximo kok uble. Koo uruseyyooh, sidiica ayroh addat woo yoo elle yaqbuden qari fan gexetto.

2 Malikwa 9:1

Too saaku nabi Eliisaq furraynah tan nabuwwak numuk teenah seeceh iyyemii, «Raamot rasul tan Gilqad deqsitta magaala gexxa'gidih bical gac. A xalay addat akak caxâ xaylok bicsen *zeyti (saliid) yanihiyya gabat bey.

Hosiqa 13:2

A saaku inkinnah woo umaanet bisoh gexak gexaanaah, isinni gabak lakqok bicsen duyye yaqbuden. Too duyye gabâ-naggaarinna keenik leh yan mari bicissa haah, sarrak yaqbudeenih. «A duyyeh sadgat aba» iyyan. Laahi ceeloy gabak bicseenihiyya fugtan! Sahdayti isi gabak bicse ceelo wadir mannal fuguta?

Ermiyaas 10:16

Yaqkuub doore Dagelti woo duyyeh bis le Dagelta hinna. Kullim gintem kaa; Israayil ummat ikoytah lem kaa; Kay migaq YALLAY Nabaamak Nabahiyya.

1 Malikwa 19:18

Takkay immay yol imaan luk sugeeh, Baqal-akak-iyyaanamah-qibaada elle abaana'gidih gabak bicsen duyyeeyah gommoh rade weeh, woo ceelo fugute wee maray malcina alfih num yakkehiyya rooci luk ken cabeyyo» iyye.

2 Samuwel 19:39

Tohuk lakal Dawud kee Dawud mara Ordonuk tabteh. Too waqdi Dawud, Bardillay fugga heeh sarrak dooqa kaah abe. Bardillay isi buxah yuduure.

2 Samuwel 5:2

duma Saawul suge saaku carbi yakke way, ni marih foocat sugtem kook ten. YALLI kaadu isi mara miraacisah dacrisa abba koo abeleemih qahdi koh culeh yen» kaak iyyen.

1 Samuwel 24:6

isi marak iyyeemih, «Yi amoytay YALLI malik abehiyyal umam baahaamak YALLI yoo catay. YALLI doore malik kinnimih sabbatah, dagoohim-baxa kinni way kaal baahe waam faxxinta» iyye.

1 Samuwel 13:14

Awayah tu gactek, ku abbootanni tama'kket edde yaade. Macaay intek, atu kay amri cinteh. YALLI isih faxa num geeleeh isi marih abbah isih kaa heele» iyye.

1 Samuwel 8:19

Ummatta Samuwel ken lih yaabe yaabat maqal mahaysitinnoonuuy, «Aleeyyah! Woh tu hinna. Nanu malik fanxa bas» iyyen.

1 Samuwel 8:9

Tonna'mmay iyyaanam keenik oobbeyaay numma keenil acuy. Ken malikwa ken elle xiinissu wayta innak adda nagay keenih waris» kaak iyye.

1 Samuwel 2:10

YALLI isi naqboytit foyyisele; Kulliimik daga raaqa Dagelti qaraanak keenit kaayele. YALLI inkih tan addunyal ackumele. Isi malikit qande heeleeh; isih doore malikih nasri aceele» 'yaanam inte.

1 Samuwel 9:27

Sarrak magaalak afa fanah titta lih gexak sugen waqdi, Samuwel Saawuluk iyyeemih, «Taamâ-numuk, ‹Nek foocat warrayay suga› inxic» iyye. Taamâ-num gexek lakal, Samuwel, «Akkel yo'lih aadetto. Yallih farmoy koh warsam faxa liyok» kaak iyye.

1 Samuwel 12:3

A tableenim yooy; qellat celtaamak tu siinil baaheh sugek, YALLA kee YALLI doore malikih garil yol haysita. Awur akkiiy danan akki akak bee num yenek, hinnay kaadu, ayrise kee hinnay edde xukkuteh suge num yenek, hinnay kaadu, guqul akak bee num yeneeh, tahak tuk teena elle baahe num yenek, yot haysitay kaah mekleyyok» iyye.

1 Samuwel 15:1

Samuwel Saawuluk iyyemii, «Dumah yan saaku, YALLI, isi maray Israayilih yoobokehiyyak malik takke'gidih koo askute'gidih yoo dooreeh, ku fanah yoo ruube. Taway YALLAY Nabaamak Nabahiyya kok iyyam ah teetik, oobbey. ‹Qamaalek-mari sin kaxxa abbobti Masrik temeete saaku, qaduwwi keenil yekken. Tohuk gexxaamah, anu ken digaalam faxak,

1 Samuwel 16:1

YALLI Samuwelik annah iyye. «Anu ahak wadir malik yakkem kaak mafaxak, atu Saawuluh akah qaaddam macaay? Away caxâ-xaylok bicsen *saliid (zeyti) gabat haay Beetlacam deqsitta magaalal yan Yiisa deqsita numih buxa gex. Kay xaylok tiik teena malik abuh dooreh an» kaak iyye.

1 Samuwel 26:9

Dawud iyyeemih, «YALLI isih doore malikil umam baahe mara digaala YALLAK, umam kaal mabaahin!

2 Samuwel 1:14

Dawud qagseh kaak iyyeemih, «Hay meqek, atu YALLI doore malik elle qiddu tilliilem manna?» kaak iyye. Sarra Dawud, «Abte umaane kol tuduureh, isih abte umaaneh isih warisseeh, YALLI doore malik, ‹Anu qide› 'yaanam inte» kaak iyye. Too waqdi isi marih numuh secca 'yeh, «A awka qid!» iyye. Woo num kaa yootokeeh awki edde rabe.

1 Malikwa 1:34

Tokkel isin sek Saaduk kee nabi Naatanak, Israayil malik yakke'gidih, kaa uskuta. Tohuk gaba kaltan waqdi, *baanta uguraay anay fayya haay, ‹Malik Suleeman ani haay! Malik Suleeman ani haay!› inxica.

Yacedkel 16:13

Mango bilay dahab kee lakqok bicseenihiyya luk ten. Talbi-qaala kee cariirik bicsen sartanay mango dilwa lehiyya luk ten. Adda meqe darok aben gaqambooy, malab kee caxâ xaylok bicsen *zeyti ku maaqoh sugte. Qaxah wir axcuk teneeh; tohih sabbatah malikáh innah gacte.

1 Samuwel 15:17

Samuwel kaak iyyemii, «Atu qunxa numuh is tubleh immay Israayilil tan kedoodak inkih mirac tekke. YALLI Israayil-malik takke'gidih, koo yuskuteeh koo dooreh.

2 Samuwel 20:19

A magaalah mari Israayil addal amaan kee digga le mara. Ni magaala Israayil addal kaxxa tuxxiq le magaala. Hay, tonnal, nee akah bayissam faxxam macaa? YALLIH magaala bayissam akah faxxam macaa?» kaak inte.

2 Malikwa 9:12

«Aleey, maaxaginninok, neh warisey» kaak iyyen. Too waqdi usuk keenik iyyemii, « Usukuuy, ‹YALLI kok iyyaamah: Israayil-malik takke'gidih koo askute› 'yaanam yok iyye» keenik iyye.