1 Samuwel 1:1 - NABUWWA KEE MALIKWA

¹ Elkaana akak iyyan num yen. Woo num Efrayim kedoh aabakuk yeneeh; dabqah Efrayim rasuk qaleela mango aracal geytinta magaalay Raama deqsittahiyyal yen. Abba kaak Yaroocam deqsitak yen. Yaroocam abba Aliihu deqsita numuk ten. Elkaana Aliihuk baxi baxak ten. Efrayim kedok Xuuf deqsita gulubuk Toocu deqsita buxah marat raaqak yen.

1 Samuwel 1:1 Iomraidhean Croise

1 Malikwa 11:26

Tohuk kalah kaadu, Nabát-Yarobqam deqsita numuy kay gubal doolat taamat yenehiyya kaadu Suleemanak naqboyta yekke. Yarobqam Efrayim kedoh aabakuk yeneeh; elle catem, Dareeda deqsitta magaalak ten. Kay ina Xaruqa deqsitak teneeh; gubnah ten.

1 Aydaad 6:12

Aciitubuuy Saaduk xaleeh, Saadukuuy Sallum xaleeh,

1 Aydaad 6:22

Kohatak rade marih migooqa ah teeti. Kohataay Qamminadib xaleeh, Qamminadibiiy Korac xaleeh, Koracaay Assir xaleeh,

1 Aydaad 6:34

Samuwel Elkaanâ-baxaay, Elkaana Yaroocam-baxaay, Yaroocam Alyel-baxaay, Alyel Towac-baxaay,

Yoosuwa 24:33

Haaruun baxi Alqedar kaadu rabeeh; Gibqa deqsitta magaalal kaa yoogoqen. A arac Efrayim rasuk qaleelah tan baaxol geytima aracay kay baxa Fincasah yeceenihiyyak ten.

Makaabon 12:5

Efrayim-mari akak kuda gita yabbixeeni'gidih, Gilqad-mari Ordon weeqaytuk akak taben afa keenik yibbixen. Efrayim-mari tokkek tabam faxa waqdi, Gilqad-mari tabeenak afal keenih suggu 'yeh, kulli numuk, «Efrayim num maay kinnito?» kaak axcuk sugen. «Aleey hinniyo» iyyekii,

Makaabon 17:1

Dumah yan saaku Miika deqsita num suge. Too num dabqah Efrayim rasuk qaleela mango baaxol suge.

Makaabon 19:1

Israayil mari malik luk suge wee dabaanal, uli Leewih yooboke num yen. Too num Efrayim-rasuk qaleela le baaxok darre le kabut raqta baaxol buxah yen. Too num Yuudâ-rasul geytinta Beetlacam-magaalak, caggoytâ-gubih caggoyta kaah takke'gidih, baxuwwa bee.

Makaabon 4:5

Ta barra qaleela-le-Efrayim-baaxok Raama kee Beetal deqsita aracak fanal ten nakliitâ-caxak gubal daffa 'tah cokmaabak ten. Tonnal too nakliita, Deboorâ-nakliita iyyen. Israayil mari cakki goranah tet fan gexak yen.

1 Samuwel 1:19

Ciggilta ayro Elkaana kee kay buxah mara maaca dibroh ugutta yeenih YALLA yuqbudeenih. Sarrak Raamal tan isinni buxa fan gexen. Elkaana Canna lih xiineeh, YALLI is kaa akah kallactem teetih duuduseh.

1 Samuwel 17:12

Dawud Efrat deqsita gulubuh gacisa; Yiisa deqsita numih baxak ten. Elle yoobokem, Yuudâ rasul tan Beetlacam-magaala. Yiisa lab xaylok bacaar luk yeneeh, Saawul malikih yen dabaanal Yiisa barak idoolite numuh yen.

1 Samuwel 2:11

Tohuk lakal Elkaana Raamal tan isi buxa fan yuduure. Takkay immay Samuweliy awki baxah yani wokkel Qeli deqsita seekil kaa caben. Tokkel, Qeli deqsita sek aba kaak iyyam abak, YALLIH taamat gace.

1 Samuwel 7:17

Tokkeek Raamal tan isi buxa fan adaaruk yen. Tokkel kaadu titta wee marih fan mekelak yen. Raamal YALLAH sadgat elle aban arac bicse.

1 Samuwel 9:4

Num wakalih is lih hayya heeh, qaleela le Efrayim baaxo kee Saliisa deqsita baaxo fan gexen. Tokkel woo okaale magennon. Tokkeek Saqlim deqsita aracal kaadu gorriseeniih magennon. Sarrak Benyam baaxo akah gexeenih gorriseeniih, tokkel kaadu magennon.

1 Samuwel 9:5

Tohuk wadirii Xuuf deqsita baaxoh yemeeten waqdi, Saawul wakalih kaa'lih yan kay taamat yan numuk, «Yi abba nee weeki, okaale hinnaay ni-amoh cisab kaa abbixelek, ahaysa buxah nee gacis» kaak iyye.