1 Malikwa 3:3 - NABUWWA KEE MALIKWA

³ Suleeman YALLA kicinuk yeneeh, isi-abbah-raat kataatak yen. Takkay immay too qibaada elle aban aroocay fayyat raqtahiyyal sadgatah saq qidak yeneh, qaydarus kaadu sadgatah qeerisak yen.

1 Malikwa 3:3 Iomraidhean Croise

1 Malikwa 11:34

Tonna'mmay, tohuh, luk suge reedak inkitanuuk kaa moobisaay, yanim fanah luk suge dardaarinnih qarkaytol yanay kaa axceyyo. Toh akah abu waam, kay maqaane hinna'mmay, yi naqasuh yen Dawuduy anu doorey anu amrisem abak yeneeh, anu oobise xintol tanim kee anu aba axcem duudusak yenehiyyah taaga.

1 Malikwa 11:38

Yi naqasuh yen Dawud akah abak suge innah, anu kok aba axceemik tu cabe'kal duudusseeh, anu oobise xinto aba intam abteeh, anu koo akah amrisam abak, yi garil cakkik tan taamat ase koo tekkek, kulli way ku qaxat gaceyyo. Israayil malik koo abeyyooh, Dawuduh akah abe innah, ku lakal kok radu waa marak numuk teena reediseyyo.

1 Malikwa 11:4

Suleeman idoolite saaku, kay agbi YALLAY kay Dagelta kinnihiyyak kalah kaadu akiimiy Yallih innah yaqbudeeni ken lih yaqbudem kaal esseren. Tokkel usuk YALLAL luk suge imaanat sakki kaak cule. Kay abba Dawud elle suge gitak hoxxiimeh.

1 Malikwa 11:6

YALLAL dambi lem baaheeh; kay abba Dawud baguuk YALLIH gita elle katayak yen innal, kaa makatayinna.

1 Malikwa 14:23

Kulli qaleh amo kee silal le cooxih gubal, duyye elle yaqbuden arooca xiseeniih, taahirik tan qamidwa akak iyyan qamidway xeetik bicseenihiyya sooliseenih, Aseera deqsittaamay yaqbudeenihiyyah astah heenih sugen gurumuuda soolisen.

1 Malikwa 14:8

Dardaarinna Dawuduk rade marak beyya heeh koh ecee. Takkay immay Dawuduy yi naqasuh yeneeh anu aba exceemik sah gersim abe waak yi amri afqadook duudusak yenehiyya makkinnito.

1 Malikwa 15:11

Aasa kay kaxxa abba Dawuduk kaxxih, YALLI kicnam abak yen.

1 Malikwa 15:14

Aasa kaak duma sugga 'te qibaada elle aban aroocay fayyat raqtahiyya inkih mabaysinna'mmay, YALLAL le imaan kaak digga luk yeneeh, rabba 'yam fanah imaan kaak digga luk suge.

1 Malikwa 15:3

Usuk isi-abba-edde-asak-suge-dambit kaak kaxxih aseh sugeeh, YALLAY kay Dagelta kinnihiyyah garil yeemene numuk mananna. Akak rade Dawud bis le numuk mananna.

1 Malikwa 15:5

YALLI ah akah abemii, Dawud kaa ruffa haytam abak sugeeh; YALLI aba iyyeemik, Ciitah-yooboke-Uriyya-deqsita-numul-baaheemiik kalihimik, YALLI inxicca 'yem inkih abak suge.

1 Malikwa 22:43

Kay abba Aasak kaxxih YALLIH garil cakkik tan taamah taamitak yen. Tonna'mmay diini-maleela elle taqbude arooca kay dabaanal baateh mananna. Ummatta tokkel sadgat abaanam kee qerto ruubaanam cabteh mananna.

1 Malikwa 22:44

Yacoosafat Israayil-malik lih bica haysiteh yen.

1 Malikwa 3:14

Toh lih kaadu, ku-abba-Dawud akah abak suge innah, anu-kok-aba-axcem abteeh yi xinto kee yi amri inkih tugdubek, qumri kok ayxeereyyo» 'yaanam kaak iyye.

1 Malikwa 3:6

Suleeman YALLAK iyyemii, «Yi-abba-Dawuduy ku naqasuh yenehiyyah kaxxa kacanu luk sugteeh; usuk kaadu baguuk kol yaamineeh, cakki-kee qadaalat-le numuk ten. Atu kaah abak sugte maqaane kaak mayseedinnitooy, a saaku kay baxa kay qarkaytol hayte.

1 Malikwa 8:25

Taway YALLAW, Israayil ummatta doore Dageltaw, duma yi abbak koh duudusseyyo inteemik inki tiyay raqtehiyya tan. Tohumuu, ‹Kok radu waa mari, atu akah abte innah, anu aba excem dudda luk abe ken tekkek, tonnal ku reeda baxak baxal raqta reeda akkele› 'yaanam inteh ten.

1 Malikwa 8:61

Isin, kay maraw, ta saaku akah abten innah, baguuk YALLAY ni Dagelta kinnihiyyal yaamineeh, kay amri kee usuk nek faxam oggola mara tika» 'yaanam iyye.

1 Malikwa 9:4

Ku abba akah abak suge innah, agaagul sinnuk baguuk yoo tuqbude koo tekkeeh, kok aba axcem abteeh yi amri duuduse koo tekkek,

2 Malikwa 12:3

Tonna'mmay dumaak qibaada elle abak sugen aroocay fayyat raqtahiyya baateh manannaay; tonna-leemiik ummat woo aroocal sadgat abaanam kee qerto ruubaanam macabinnon.

2 Malikwa 12:4

Yooqas seekah secca 'yeeh annah keenik iyye, «YALLIH Qibaadah-Qaril yeceen lakqok dakaatah yeceen lakqo kee, isinni fayxiik yeceen lakqoh agantah inkih daanisa.

2 Malikwa 14:3

Amaxya YALLI kicna taamah taamitak yene'mmay, Yalli yeyyeeqe xinto kee amri, akak rade Dawud elle oggolak yen innal, moggolinna. Isi abba-Yooqas-raatat gexak suge.

2 Malikwa 14:4

Tonna'mmay dumaak qibaada elle abak sugen aroocay fayyat raqtahiyya baateh manannaay; tonna-leemiik ummat woo aroocal sadgat abaanam kee qerto ruubaanam macabinnon.

2 Malikwa 15:35

Tonna'mmay dumaak qibaada elle abak sugen aroocay fayyat raqtahiyya baateh manannaay; tonna-leemiik ummat woo aroocal sadgat abaanam kee qerto ruubaanam macabinnon. YALLIH Qibaadah-Qarih kiblati-kabih culmah arac xissem, Yootamak ten.

2 Malikwa 15:4

Tonna'mmay dumaak qibaada elle abak sugen aroocay fayyat raqtahiyya baateh manannaay; tonna-leemiik ummat woo aroocal sadgat abaanam kee qerto ruubaanam macabinnon.

2 Malikwa 18:22

Qagseh kaadu keenik iyyemii, « ‹Amo elle meqinom, YALLAY ni Dageltah yani› yok inteenik, Ciskiyyaahu, Yuuda kee Yarusalaam marak, ‹Yalla dibuk Yarusalaamal yan sadgat aracal uqbuda› inxicca 'yeh, wadirih fayya-le-aroocal heen qibaadah-qarwa kee sadgat-arooca akak yiggilem YALLA kinnim hinnaa?

2 Malikwa 18:4

Qibaada elle abak sugen aroocay fayyat raqtahiyya bayseeh; taahirik tan qamidwa akak iyyan qamidway xeetik bicseenihiyya bututtukka heen. Aseera deqsittaamay yaqbudeenihiyyah astah heenih sugen gurumuuda yiggiggileh. Muusa nacaasak bicseh cabe abeesah-ceeloy migaaqah Nacustan akak iyyeenihiyya kaadu bututtukka hee. Too abeesah ceelo yaggileenimik duma, Israayil mari woo abeesah ceeloh assakaxxiyyah qerto akah ruubak sugen.

2 Aydaad 15:17

Israayil baaxol kaak duma sugga 'te qibaada elle aban aroocay fayyat raqtahiyya inkih mabaysinna'mmay, addunyal sugem fanah, YALLAL leh yan imaan digga kaak luk yen.

1 Samuwel 9:12

Woo baxuwuuy, «Yeey yanih, away siinik foocat gexe. Sissikuk gexxeenik, kaa gee liton. Magaala akah culten innaak kaa geetton. A saaku ummatta Yallih migaaqal sadgat elle aban aracal sadgat abeloonuuh; tohih sabbatah usuk magaala yemeete. Woo arac akah seecen mari, usuk amma 'yeh dooqa abe'kal, woo sadgatih maaqo mayakman. Taway gexxeenik, maaqo makumuh woo sadgat elle aban qale awqe'kal siinih sugele» keenik iyyen.