1 Malikwa 3:2 - NABUWWA KEE MALIKWA

² Too dabaanal, YALLIH Qibaadah-Qari xissiimeh manannaay; tonna-leemik ummatta qibaada elle aban aroocay fayyat raqtahiyyal sadgat abak ten.

1 Malikwa 3:2 Iomraidhean Croise

1 Malikwa 22:43

Kay abba Aasak kaxxih YALLIH garil cakkik tan taamah taamitak yen. Tonna'mmay diini-maleela elle taqbude arooca kay dabaanal baateh mananna. Ummatta tokkel sadgat abaanam kee qerto ruubaanam cabteh mananna.

2 Aydaad 33:17

Ummatta Yallih Qibaadah-Qarik kalih aroocay fayyat raqtahiyyal sadgat abak sugteh immay, YALLIH migaaqal abak sugen.

1 Malikwa 5:3

«Atu akah taaxige innah, yi abba Dawud, YALLAY kay Dagelta kinnihiyyah Qibaadâ-Qari xiseh masuginna. Toh akah tekkem, cuggaaneh tan baaxooxah mari aggiriqe sinni qeebih kaa'lih sugeeh; ken lih abak yen qeebik gexxaamah gaba geyak masuginna. Usuk YALLI woo naqboytiitik iysiissa kaa haam fan qambaalak suge.

1 Samuwel 9:12

Woo baxuwuuy, «Yeey yanih, away siinik foocat gexe. Sissikuk gexxeenik, kaa gee liton. Magaala akah culten innaak kaa geetton. A saaku ummatta Yallih migaaqal sadgat elle aban aracal sadgat abeloonuuh; tohih sabbatah usuk magaala yemeete. Woo arac akah seecen mari, usuk amma 'yeh dooqa abe'kal, woo sadgatih maaqo mayakman. Taway gexxeenik, maaqo makumuh woo sadgat elle aban qale awqe'kal siinih sugele» keenik iyyen.

1 Malikwa 14:23

Kulli qaleh amo kee silal le cooxih gubal, duyye elle yaqbuden arooca xiseeniih, taahirik tan qamidwa akak iyyan qamidway xeetik bicseenihiyya sooliseenih, Aseera deqsittaamay yaqbudeenihiyyah astah heenih sugen gurumuuda soolisen.

1 Malikwa 15:14

Aasa kaak duma sugga 'te qibaada elle aban aroocay fayyat raqtahiyya inkih mabaysinna'mmay, YALLAL le imaan kaak digga luk yeneeh, rabba 'yam fanah imaan kaak digga luk suge.

1 Malikwa 22:44

Yacoosafat Israayil-malik lih bica haysiteh yen.

2 Malikwa 12:4

Yooqas seekah secca 'yeeh annah keenik iyye, «YALLIH Qibaadah-Qaril yeceen lakqok dakaatah yeceen lakqo kee, isinni fayxiik yeceen lakqoh agantah inkih daanisa.

2 Aydaad 15:17

Israayil baaxol kaak duma sugga 'te qibaada elle aban aroocay fayyat raqtahiyya inkih mabaysinna'mmay, addunyal sugem fanah, YALLAL leh yan imaan digga kaak luk yen.