23 Tohuk lakal Efrayim isi barrat fido faxe. Is teedeqeeh, baxa kaah xalte. Kay abba isi buxat umam tekkeemih sabbatah migaaqah kaak Beriiqa iyye.
Yi buxa Yallih garil tonnah tanim yot celta. Macaay inteenik, Yalli yo'lih bica haysiteh, baye waa xagana yo'lih hee. Make waan xagana yo'lih heeh, akak kore waa qahdi yoh cule. Tonnal kulli waqdi yoo cateleeh, faxa axcem yoh abele. Yalli toh duuduselem digga le.
Efrayim ken rookat mango saaku suge. Kay mari inkih a rooka kaa hawweenisoonuh kaa fan yemeeten.
Efrayim kaadu Seera deqsitta baxá xale. Is Daga-raqta-Beet-Coron kee, Guba-raqta-Beet-Coron kee Udden-Seera deqsitta magaalooli xisse.