1 Aydaad 26:5 - NABUWWA KEE MALIKWA

⁵ Netanel lakal Qammiyel yen. Qammiyel lakal Issakar yen. Issakar lakal Faqultay yen. Toh akah tekkem, Yallak mango xaylo xalaamih barkat geemih taagak ten.

1 Aydaad 26:5 Iomraidhean Croise

2 Samuwel 6:12

Malik Dawud Yallih Qahdi addat akak yan Sanduguk gexxaamah, YALLI Yoobad-Edom kee kay buxah marat barkat hee 'yaanam yoobbe waqdi, gexeh, woo Sandug Yarusalaam fan baahe. Gital too Sandugih-bahti kaxxam assakaxxayuk africuk yemeeten.

1 Aydaad 13:14

Too numih buxal too sandug sidooca alsa suge. YALLI Yoobad-Edom kee kay buxah maraay usuk edderra heemit barkat hee.

1 Aydaad 26:4

Too dacayrit kaadu tenem, Yoobad-Edom deqsita numu. Yalli lab-xaylok bacaar kaah yeceeh yen. Too xaylok barah afat tenem, Samaqya deqsita numuk ten. Kay lakal ciggiltem, Yahodbad deqsita baxak ten. Kay lakal tenem, Yowac deqsita baxak ten. Kay lakal kaadu Sakar deqsita baxi yen. Sakar lakal Netanel yen.

1 Aydaad 26:6

Yoobad-Edomuk naharsi-baxay migaaqah Samaqya akak axcuk yeneenihiyya lab-xaylok laceey luk yen. Migaaqah Qotni kee Rafaayil kee Yoobad kee Eldabad kee Eliihu kee Samakyaahu deqsitak yenen. A mari, isinni gulubih addat loonuh yan ixxigak gexxaamah, fula le marak ten. Eddeey edde Eliihu kee Samakyaahu edde yabba yan ixxiga kee bagi cubbi luk yenen.