1 Aydaad 2:54 - NABUWWA KEE MALIKWA54 Beetlacam xise Salmak rade mari, Natoofa kee Qatrot-Beet-Yowab deqsita namma aracal gacen. Kaadu Manacat deqsita aracal gace namma gulubuk Xorqi deqsita gulubuh yooboke mari, Salmak rade mara kinni. Faic an caibideil |
Dumah yan saaku Israayil rasuk mango magaaloolil kaxxa abbobti akak sugte marak, mango mari yuduure. Duma Beetlacam kee Netoofa deqsitta namma magaalal suge marak rade marak, bool kee bacra-taban kee bacra num tuduure. Duma Qanatot deqsitta magaalal suge marak rade marak, bool kee labaatanna kee bacra num tuduure. Duma Beet-Qadmawet deqsitta magaalal suge marak rade marak, morootom kee namma num tuduure. Duma Kiryat-Yaqaarim kee Kafiira kee Beerot akak iyyan magaaloolil suge marak rade marak, malcina bool kee morootom kee sidiica num tuduure. Duma Raama kee Gabaq deqsitta magaaloolil suge marak rade marak, lica bool kee labaatanna kee inki num tuduure. Duma Mikmas deqsitta magaalal suge marak rade marak, bool kee labaatanna kee namma num tuduure. Duma Beetal kee Qaay deqsitta namma magaalal suge marak rade marak, bool kee labaatanna kee sidiica num tuduure. Duma Nabo deqsitta magaalal suge marak rade marak, kontom kee namma num tuduure. A magaalay Nabo deqsittak kalah kaadu gersi magaalay Nabo deqsittahiyya tan. Duma Qeelam deqsitta magaalal suge marak rade marak, alfi kee namma bool kee kontom kee affara num tuduure. A magaalak kalah kaadu gersi magaalay Qeelam deqsittahiyya tan. Duma Caarim deqsitta magaalal suge marak rade marak, sidiica bool kee labaatanni num tuduure. Duma Yeriko deqsitta magaalal suge marak rade marak, sidiica bool kee morootom kee koona num tuduure. Duma Lood kee Caadid kee Oono deqsitta sidooca magaalal suge marak rade marak, malcina bool kee labaatanna kee inki num tuduure. Duma Senaaqa deqsitta magaalal suge marak rade marak, sidiica alfi kee sagla bool kee soddom num tuduure.
Makaabon Israayil baaxol dardaarak ten saaku, Israayil baaxol qulul rade. Too waqdi Alimelek deqsita num, lab-xayloh nammay kee barra gabat hayya heeh, Yuudâ-baaxok Beetlacam deqsitta magaalak Mooyab deqsita marih baaxo fan dulah gexe. Kay barra migaaqah Noqmi deqsitak ten. Teetik lab xayloh nammay kaadu migaaqah Maclon kee Kilyon deqsitak yenen. Alimelek akah yoobokem, Efrat deqsitta gulubuk ten.