1 Aydaad 19:3 - NABUWWA KEE MALIKWA

³ Too mari Qammon-baaxo gufe waqdi, Qammon marih abbobti malikik inteemih, «Amoytaw, away Dawud a mara akah ruubem nummah ku abbah assakaxxiyyah kot celtaa? Ku abbah taqdiyyah ken maruubinnay; sarrak qeebil nek akah yayse'nnah, ni baaxo elle tani'nna gibittaay cubbussa heenih gexaana'gidi» kaak iyyen.

1 Aydaad 19:3 Iomraidhean Croise

2 Samuwel 10:3

Qammon marih abbobti malikik inteemih, «Amoytaw, away Dawud a mara akah ruubem, nummah ku abbah assakaxxiyyah kot celtaa? Ku abbah taqdiyyah ken maruubinnay; sarrak qeebil nek akah yayse innah, ni magaala elle tani'nna gibittaay cubbussa heenih gexaana'gidi» kaak iyyen.

1 Aydaad 19:2

Dawud too malikih raba yoobbe waqdi, «Usuk meqem yoh abeemih; anu away kaadu kay baxah amqeyyo» iyye. Sarrak kaah le bagi maqaane kaah warisu waa mara Nacas baxah farmo ruube. Farmoh ruube mari kay baxay malik yekkehiyyal gexen.

1 Aydaad 19:4

Cannun too yab yoobbe waqdi, Malik Dawud ruube marak deben mollaay sartanay edde sugeenihiyya xiiqarel keenik qanxissa heeh ken xiiriye.

Makaabon 18:2

Sarrak kedoh addak doorru heen koona num guubuh elle gacoonu waan baaxo gibteenih yamaateeni'gidih, Xorqa kee Estool deqsitta namma magaalak ken ruuben. Keenik iyyeenimih, «Gexay baaxo elle tan gurra wagga haay ama» axcuk, giba elle aban inna escessa ken heenih, ken ruuben. Efrayim rasuk qaleela le arac yemeeteeniih tokkel Miikâ-buxa culen.

1 Samuwel 29:4

Filistiin qaskar abbobti bagcarritteh kaak inteemih, «Ama num nek raaqay inxicaay, elle suge magaala fan gaca kaak inxic. Ne'lih qeebih gexe waama. Qeebi rada waqdi qeebi wadir net aba way manaaxiga. Lih suge num kaa yakcine'gidiiy kaat wagra'gidih, ni mara qidam takkeh. Kay amoyti kaat wagraamak, kaah taysem matan» iyyen.

1 Samuwel 29:9

Aakis kaal gacsemii, «Anu tohut haam mayyu. Yallih malaykattih innah koo able ikkal. Takkay immay Filistiin qaskar abbobti, ‹Usuk carbi booxa ne'lih gexe waama› yok iyyeeniih,