Filemo 1:8 - Ungbamvu Ku Abachi Azhi Ahe̲he̲ Ka

⁸ Uwa a si ni ima yo di ingga iziya amuwa ni iga, ingga se nu ukyekye ku nggarr ito nu ùwà ku du ùwà bu na inkindirr yi nggo iwre ùwà bu na yi nggo.

Filemo 1:8 Iomraidhean Croise

2 Korrintiya 10:8

Nggo ingga i so di nggurr anke̱ mi kakami ku inkpinkpye yi nggo Atiko wa à ni inta nggo, ishisha i si ki ingga hen. A si ni ingga inkpinkpye inggi yi, wre ki ingga bu ngɨ imba yo mu hen. À ni ingga na yi, wre ki imba bu kaki kyekye.

2 Korrintiya 11:21

Inta i sama nu ukpakpa isisurr i na ku anishirr aseki kama. A ti si inkindirr i ishisha mi ingga kpa. Unuma a ti se ni inkindirr i nggurr anke̱, ingga mi meme. Ingga mi i so re nâ ta su unushirr urrurru nggo.

2 Korrintiya 3:12

Nu nggo inta i se ni inkindirr yi nggo inta so surr ashishi na yi, i di inta i re sama ni isisu.

Afisa 5:4

Zizo, imba ba ttungo na are assussurr, na are arrurru, ka irro yi nggo i si si na anko hen. Meme, imba bu nyarr ku Abachi.

1 Tesalonika 2:2

Imba i hi nggo a ki inta iha, na marr inta nu Filipiya bari inta i nga ni imba ba nu Tesalonika. Anishirr ba nabo a kà Ure ku wre ku, Abachi à ni inta ukyekye na di inta i bre ki imba ure ku sama ni isisu, ni iha ima yi mi.

1 Tesalonika 2:6

Inta i si cha ukpa di imba ka undurr numa a bu gbyarr ki inta asa hen.