VaEfeso 1:3 - ULufingwi uLupwa

³ Ashindikwaje uMulungu, uTaata uwa Mwene wiitu uYeesu Chilisiti! Uweene atuloosite nu vhuloote vhwonti uvhwa ku mwanya. Uvhuloote uvhwo tukuvhuposheela kwi idala ilya kusopenkana nu Chilisiti.

Tesitamenti Umupwa 1965

³ TumutimajʼuMulungu uYise wa Mwene witu Yesu Chilisiti, we swenti swe tuli mwa Chilisiti atulosite muvulote vwonti vwa mumupepo uvufumakumwanya,

VaEfeso 1:3 Iomraidhean Croise

uLuuka 2:28

USimiyooni ahamunyatula umwana uyo ahamupahatila, ahamutiima uMulungu. Ahati,

Yohani 14:20

Isiku ilyo, muliimanya kuuti ine indi muhati iya Taata waane, niimwe muli muhati yaane, niine indi muhati yiinyu.

Yohani 17:21

Nkukulaavha kuuti vhonti ivho vhavhe ishintu shooka, inza vwe niiwe Taata uli muhati yaane, niine indi muhati yaaho. Nkuvhalaavhila vhavhe muhati yiitu, inga avhantu vhonti mu nsi vhiitishe kuuti iwe we unsonteleziizye.

Yohani 20:17

UYeesu ahamuvhuuzya uMaliiya ahati, “Utahandeme, mwe pe nshiili kusogola ku mwanya kwa Taata. Ileelo sogoola uvhavhuuzye avhamwitu, kuuti nkuzuvha ku mwanya kwa Taata waane we wu Taata wiinyu, havhili kwa Mulungu waane we wu Mulungu wiinyu.”

VaLoma 12:5

Vwe tuli vhwevhulo niiswe. Twe vhinji, ileelo swenti twe vipelwa ivwa mu muvhili uwa Chilisiti, havhili twe vipelwa kwa muntu wooka wooka muli iswe.

VaLoma 15:6

Ipo pe imwe mwenti kwe mumutiimaje uMulungu, uTaata uwa Mwene wiitu uYeesu Chilisiti ku mwoyo wooka na ku lumili lwoka.

1 VaKolinti 1:30

UMulungu wuuyo we avhavhiisile imwe kuvha nu vhuliilani nu Chilisiti uYeesu. Uweene amuvhiisile uChilisiti kuvha vhushindamu vhwitu uvhwa njeele. Havhili kwi idala ilya Yeesu, iswe tuvhaziliilwe kuuti twe vhagolosu pilongolela ilya Mulungu, twe vhafinjile, havhili tutavhuliilwe.

1 VaKolinti 12:12

Inza vwe wuli umuvhili uwa muntu, vwe wuli nu muvhili uwa Chilisiti. Umuvhili wuli wooka, ileelo wuli ni vipelwa ivwinji. Poosye inga ivipelwa ivwo vwinji, vwa muvhili wooka.

2 VaKolinti 1:3

Ashindikwaje uMulungu, uTaata uwa Mwene wiitu uYeesu Chilisiti, uTaata uwa vhwila, havhili we wu Mulungu we akutusuvhaalizya mu zyonti.

2 VaKolinti 11:31

UMulungu, uTaata uwa Mwene uYeesu we akwanzilwa kushindikwa shiima, amanyile kuuti ntakuluma ilenga.

2 VaKolinti 5:17

Kuli izyo, umuntu wonti we akumwitiha uChilisiti, akuvha shipelwa ishipwa, izya hali zikutuuha, uvhuntu vhwakwe vhukuvha vhupwa!

2 VaKolinti 5:21

UMulungu ámuvhiisile uChilisiti we atali nu vhutalamalandu kuvha nu vhutalamalandu ku zyitu, inga kwi idala ilya Chilisiti tuvhe nu vhuliilani nu Mulungu mu vhugolosu vhwakwe.

VaGalati 3:9

Pe vhaala vhe vhakumwitiha uMulungu vhakulootwa, inza uAabulahamu we ámwitisile.

VaEfeso 1:10

nu lukasamo lwakwe lwe luno: Kuuti inga zyonti zyasila na havhaliilizyo he ahasaavhula haafiha, alivivhungaaniha pooka ivipelwa vwonti, vwe vili ku mwanya na vwe vili pa nsi. Woope uMwana waakwe we aliivha mupiti uwa vipelwa ivwo.

VaEfeso 1:17

Nkulaavha kuuti, uMulungu uwa Mwene wiitu uYeesu Chilisiti we wu Taata uwa Vhushindamu, aavhape uvhushindamu uvhwa njeele nu kuvhalolesya vwe ali, inga mumumanye ahinza nkaani.

VaEfeso 1:20

ge uMulungu ámuzyusiziizye uChilisiti nu kumuvhiiha uluvhazu ulwa nyoovhe yaakwe iya kundiilo, pa vhushindamu uvhupiti nkaani ku mwanya.

VaEfeso 2:6

Átuzyusiizye pooka nu Chilisiti, inga tuhakonzye pooka nawo ku mwanya. Ávhomvile ili kwi idala ilya kusopenkana nu Chilisiti uYeesu.

VaEfeso 3:10

UMulungu ali nu vhushindamu uvhwa njeele mu zyonti zye akuvhomba. Pe akuvhalolesya avhantu ulukasamo lwakwe, inga kutuushila ku vhantu vhe vhakumwitiha uChilisiti, avhamanyisye vhe vhakukonzya na vhe vhali na maha mu nsi ye yitakuloleha pa minso amazelu, uvhushindamu uvhwa njeele uvhwo.

VaEfeso 6:12

Muvhombe vhwevhulo, mwe pe tutakulwa na vhantu. Tukulwa ni mpepo imbiivhi izya maha na maha amasisya, zye zikukonzya mu nsi iya shiisi ino, na vhasikaali, vhe mpepo imbiivhi izya mu nsi ye yitakuloleha pa minso amazelu.

Filipi 2:11

Havhili ku vhushindamu uvhwa Taata uMulungu, avhantu vhonti vhapemule kuuti, uYeesu Chilisiti wu Mwene.

VaHebuli 8:5

Avhapuuti ivho vhakumuvhombela uMulungu aPafinjile pe shiholanyo vhweleele isha Pafinjile apa ku mwanya. Ye nongwa uMoose lwe akuyisengaanya kuzenga Iheema ilya kumupuutila uMulungu, uMulungu ámusosile átili, “Yeenya, ukwanzilwa kuzenga vwonti kulandatana na zyonti zye nkulolesiizye mwi igamba uSinaayi.”

VaHebuli 9:23

Iheema ni vintu vwonti vwe avhapuuti vhahavhombelaga kumupuutila uMulungu, vwáli shiholanyo isha vintu vwe vili ku mwanya. Iheema ni vintu ivwo vhahavizelufwaga kwi idala ilya mavhanda aga vihanu, ileelo ivintu ivwa ku mwanya vikwanzilwa kuvizelufwa ni mpuutile ye nyinza kuluusya amavhanda igo aga vihanu.

1 Peteli 1:3

Ashindikwaje uMulungu, uTaata uwa Mwene wiitu uYeesu Chilisiti, mwe pe ku vhwila vhwakwe uvhupiti kuli iswe, atupezile vhupwa kwi idala ilya kumuzyusya uYeesu Chilisiti. Ávhomvile vhwevhulo, inga tuvhe nu lusuuvhilo ulwa vhulanzi,