uYuuda 1:4 - ULufingwi uLupwa

⁴ Nkuvhasimbila ukalaata uno, mwe pe kuli avhantu vhamo vhe vhatakumushindiha uMulungu, vhayinjiziizye ku vhuzigizigi nu kusangaana niimwe. Avhantu ivho vhakugalulanya izwi ilya vhwila, inga livhitishilaje kuvhomba uvhumalaaya. Ivha vhantu vhe vhakumuhaana we ali weeka uMulongozi uMupiti, we wu Yeesu Chilisiti uMwene wiitu. Ileelo kufuma hali, uVhusimbe uVhufinjile vhwáyanzile kuuti vhalilongwa.

Tesitamenti Umupwa 1965

⁴ She valipo avantu vamo ve viṿile vwelele ukwinjila, ve vasimbililwe ukufuma he hali uvulanzi vunuvu, avasitakumunyilʼuMulungu, vʼuvwila vwa Mulungu witu vavugaluye ukuva vwa kuvapʼuvulugusu vwonti, havili vakumuhana uMuhataṿwonti nuMwene witu uYesu Chilisiti.

uYuuda 1:4 Iomraidhean Croise

Matayi 13:25

Ileelo lwe avhantu vhonti vhakaasite, umulugu waakwe ahinza kupesa indezye mu ngana, pisinda aheepa.

Yohani 17:3

Uvhulanzi uvhwa shiima uvhwo vhukuposheelwa kwi idala ilya vhantu kukumanya kuuti iwe we Mulungu weeka uwa nalyoli, havhili kumanya niine kuuti ne Yeesu Chilisiti ne untumile ku kwavho.

iMbombo izya Vhatumwa 11:23

Lwe aafiha ukwo, ahalola vwe uMulungu avhaloosite avhantu ivho, ahaseshela nkaani. Ahavhalambiilizya vhonti kuuti, vhajendelelaje kuvha vhatungamu kwa Mwene uYeesu ku mwoyo wonti.

iMbombo izya Vhatumwa 15:24

Twivuuye kuuti avhantu vhamo kufuma ku kwitu vhavhavhuziizye inongwa izya kuvhavwalanganya nu kuvhapuvwa amooyo giinyu, ileelo te sweswe twaavhasonteleziizye.

VaGalati 2:4

poosye inga vháliipo avhiitisi avhanji avha ilenga vhe vhahanzaga kuuti atahiililwe. Avhantu ivho vháyinjiziizye ku vhushevu kuvhupenza uvhusatushe vhwitu vhwe tupeliilwe nu Chilisiti uYeesu, inga vhatuvhiishe mu vhuzya uvhwa kulandata indajizyo izya Vhayuuda.

VaGalati 5:13

Vhamwitu, imwe uMulungu avhiisite, inga muvhe mwe vhasatushe. Ileelo mutavhuvhombelaje uvhusatushe vhwinyu kuvhulandata uvhuntu vhwinyu uvhwa vhutalamalandu, nkandi kwi idala ilya shikunzi mwavwanaje.

VaEfeso 4:14

Pe te tuhaavhe inza avhaana, vhe vhali inza ivhooti lye amavhilingwa ni nkungu vikulipempenusya uku nuukwo. Kwe kuuti, avhasambiilizi avha ilenga te vhahatulunzaanye ku vhushevu ni ilenga lyavho.

1 Timoti 5:8

Ileelo umuntu we atakuvhaavwa avhajenzi avha mu luho lwakwe, inkaani avha mu nyumba yaakwe, uyo akuvha aluhaanile ulwitiho lwakwe, havhili muvhiivhi kuluusya avhantu vhe vhatitisile.

2 Timoti 2:12

Inga tukujimbiilila, tulikonzya pooka nawo. Ileelo inga twamuhaana, pe woope alituhaana.

2 Timoti 3:6

Muli ivho, vhaliipo vhe vhakwinjila ku vhushevu mu nyumba izya vhantu. Umwo vhakuvhahopenkanya avhantanda avhapukupuuku vhe vhalemwilwe nu vhutalamalandu nu kumenwa ni mpapilo izya mavhiila mu mavhiila.

1 Peteli 2:16

Imwe mwe vhasatushe, ileelo mutavhuvhombelaje uvhusatushe uvhwo kuvhomba imbiivhi, nkandi mulandilaje inza vwe avhavhomvi avha Mulungu vhakwanzilwa kulandila.

1 Peteli 2:8

Havhili yisimviilwe kuuti, “Ivhwe ilyo livhwe ilya kupunuzya, liyalaawe ilya kuvhagwisya avhantu.” Avhantu vhakupunula, mwe pe vhatalyitisile izwi ilya Mulungu. Ilyo lye uMulungu ávhavhatishiiye kufuma hali.

1 Peteli 4:18

Izyo zili inza vwe yisimviilwe mu Vhusimbe uVhufinjile kuuti, “Inga shigomu kwa mugolosu kupokwa, ziliivha vhuli kwa mutalamalandu we atakumunyila uMulungu?”

2 Peteli 2:10

Alivhalonga vhaala vhe vhakuzilandata impapilo izya vhuntu vhwavho uvhwa vhutalamalandu nu kugasuufwa amaha aga Mulungu. Avhantu ivho vhali nu lukaani, havhili vhakuyitumvwa, vhakuvisaamula ivipelwa ivishindamu ivwa ku mwanya.

2 Peteli 2:7

Mu vhantu ivho ámuposile uLooti, umuntu umugolosu, we ahayimvilwaga nkaani mu mwoyo waakwe kuzya vhutalamalandu uvhwa vhumalaaya vhwe avhantu vhahavhombaga mu nkaaya izyo.

2 Peteli 3:7

Havhili kwi izwi liniilyo, uMulungu azivhiisile imwanya ni nsi iya havhaliilizyo iha, kufishila isiku ilya vhulonzi lye alivipemba vwonti mu mwoto. Isiku ilyo alivhalonga nu kuvhalovwa vhonti vhe vhakuvhomba zye zitakwanzilwa pilongolela lyakwe.

1 Yohani 2:22

Umuntu uwa ilenga wu naanu? Umuntu uwa ilenga we wula we akuti uYeesu te wu Chilisiti. Umuntu inza uyo, we mulugu wa Chilisiti, akumuhaana uTaata uMulungu nu Mwana.

uYuuda 1:15

kuvhalonga avhantu vhonti, nu kuvhasunda vhonti vhe vhatakumushindiha uMulungu. Akuvhasunda kuzya mbombo zyavho zyonti izya vhupuvi na mazwi amagomu gonti ge avhatalamalandu ivho vhamuyanzile uweene.”

uYuuda 1:18

Vhátili, “Amanda aga kumpeleela, kuliivha avhantu vhe vhakujevhula nu kuzilandata impapilo zyavho izya vhupuvi.”

Ishitushizya 15:4

We MWENE, avhantu vhonti vhakwanzilwa kukutiima! Havhili vhonti vhakwanzilwa kukunyila! Iwe weeka we Mufinjile! Insi zyonti zilikwinzila nu kukupuuta, mwe pe imbombo zyaho ingolosu zilolesile.”