uYuuda 1:21 - ULufingwi uLupwa

²¹ Mujendeelele kuvha mu shikunzi isha Mulungu, nu kumusuuvhila uMwene wiitu uYeesu Chilisiti, kuuti avhafwile uvhwila inga avhinjizye mu vhulanzi uvhwa shiima.

Tesitamenti Umupwa 1965

²¹ muyisunjilile mushikunzi sha Mulungu, aminso ginyu gatontomelaje kulupepelezyo lwa Mwene witu uYesu Chilisiti ukuti muvanje nuvulanzi vwa shimashima.

uYuuda 1:21 Iomraidhean Croise

Yohani 1:17

Nkuyanga vhwevhulo, mwe pe uMulungu áfumwizye indajizyo zyakwe kwi idala ilya Moose, ileelo uvhwila nu vhwanalyoli atupiiye kwi idala ilya Yeesu Chilisiti.

Yohani 14:21

Umuntu wonti we azimanyile nu kuzivhombela imbombo zye nkulajizya, uyo we ankunzite. Woope umuntu wonti we ankunzite ine, uTaata akumukunda. Niine nkumukunda havhili ndiyilolesya apazelu ku kwakwe.”

iMbombo izya Vhatumwa 11:23

Lwe aafiha ukwo, ahalola vwe uMulungu avhaloosite avhantu ivho, ahaseshela nkaani. Ahavhalambiilizya vhonti kuuti, vhajendelelaje kuvha vhatungamu kwa Mwene uYeesu ku mwoyo wonti.

VaLoma 5:21

Pe ishi, inza vwe uvhutalamalandu vhwámile na maha aga kuvhakonzya avhantu nu kuvhapelela uvhufwe, vhwevhulo kwi idala ilya kuvhavhaazya kuuti vhagolosu, uvhwila uvhwa Mulungu vhukuvhakonzya avhantu nu kuvhapelela uvhulanzi uvhwa shiima kwi idala ilya Yeesu Chilisiti uMwene wiitu.

VaLoma 5:5

Ulusuuvhilo ulwo lutakutusuupizya, mwe pe uMulungu atulolesiizye ishikunzi shaakwe ishipiti mu mooyo giitu kwi idala ilya kuutupa uMupepo uMufinjile.

VaLoma 6:23

Yeenya, amalipilo aga vhutalamalandu vhufwe, ileelo ishipeelwa she uMulungu akuutupa, vhulanzi uvhwa shiima kwi idala ilya Mwene wiitu uChilisiti uYeesu.

VaLoma 8:39

gavhe maha ga ku mwanya, poosye ga pa nsi. Shitaliipo ishipelwa naashimo she shingatulehaanya ni shikunzi isha Mulungu she shili mwa Chilisiti uYeesu uMwene wiitu.

2 VaKolinti 13:14

UMwene uYeesu Chilisiti avhafwilaje uvhwila. UMulungu alolesyaje ishikunzi kuli imwe. Woope uMupepo uMufinjile, avhapanje uvhuliilani imwe mwenti.

2 VaTesaloniki 3:5

UMwene agalongozye amooyo giinyu mu shikunzi isha Mulungu na mu vhujimbiilizu uvhwa Chilisiti.

1 Timoti 1:2

Ine nkukusimbila iwe Tiimoti, we mwana waane nalyoli mu lwitiho. UTaata uMulungu nu Mwene wiitu uChilisiti uYeesu, vhakufwilaje uvhwila nu kuukupa ulupepeelezyo nu vhutehamu.

2 Timoti 1:16

Ileelo uMwene uYeesu avhafwilaje uvhwila avhantu avha mu nyumba iya Nesifoolo, mwe pe uNesifoolo ahanavwaga ulwinji mu mayimba gaane amapiti. Havhili atahalolaga insoni kuzya kuuti nkunziilwe na manyoloolo iga.

2 Timoti 1:18

Umanyile ahinza vwe ahanavwaga mu nkaaya iya Hefeeso. UMwene uYeesu ahamufwile uvhwila pi isiku ilya kulonga insi!

2 Timoti 1:2

Ine nkukusimbila iwe Tiimoti, mwana waane we nkukunzite. UTaata uMulungu nu Mwene wiitu uChilisiti uYeesu vhakufwilaje uvhwila nu kuukupa ulupepeelezyo nu vhutehamu.

2 Timoti 4:8

Ishi uMwene ambishiiye ishipambwi isha vhupooti isha vhugolosu. Uweene, uMulonzi uwa Nalyoli, alimpa shenesho isiku liila lye alivhalonga avhantu vhonti ku vhugolosu. Te neene neeka ndaali ne ndiposheela ishipambwi, nkandi na vhanji vhonti vhe vhasungwilwe nkaani kulola kugaluha kwakwe.

VaHebuli 9:28

vhwevhulo, uMulungu ámufumwizye uChilisiti, inga afwe nu kuvha mpuutile ye yilunjisile lwoka vhweleele, inga uMulungu avhaswile avhantu avhinji uvhutalamalandu vhwavho. Havhili uChilisiti aliyinza ulwa vhuvhili. Te ahinze, inga uMulungu avhaswile avhantu uvhutalamalandu, nkandi aliyinza kuvhapoha avhantu vhe vhakumuguliilila.

2 Peteli 3:12

uku mukuguliilila isiku liila ilya Mulungu nu kulaavha kuuti lyinze naluvhiilo. Isiku ilyo uMulungu aliyipemba imwanya nu kuyinanganya, havhili alivilovwa nu kuviyengusya nu mwoto ivintu vwonti vwe vili muumwo.

1 Yohani 4:16

Ishi, iswe tumanyile nu kwitiha kuuti uMulungu atukunzite. UMulungu shikunzi. Wonti we akulandila ku shikunzi, we akulandila ku vhuliilani nu Mulungu, woope uMulungu akulandila ku vhuliilani nu weene.

1 Yohani 5:18

Tumanyile kuuti umuntu wonti we mwana wa Mulungu, atakuvheelela kuvhomba uvhutalamalandu, mwe pe uMwana wa Mulungu akumuguulila. UMuvhiivhi ula uSeetano atangamuvhomba naashimo.

1 Yohani 5:21

Mwe vhaana vhaane, muvhe minso, mutapuutaje avhalungu.

uYuuda 1:1

Ukalaata uno nsimvile neene ne Yuuda. Ine ne muvhomvi uwa Yeesu Chilisiti, havhili ne munine uwa Yaakobu. Nkuvhasimbila imwe mwe uTaata uMulungu ahavhiita nu kuvhakunda, havhili uYeesu Chilisiti akuvhasunjiilila.

uYuuda 1:22

Avha maganigani mu lwitiho, muvhafwilaje uvhwila.

uYuuda 1:24

UMulungu akuvhwezya kuvhuvhatila imwe, inga mutahapunule, havhili akuvhimiilisya ishisita ulukwinkwino pilongolela ilya vhushindamu vhwakwe, she muli nu luseshelo ulupiti.

Ishitushizya 12:11

Vhoope vhamupoosite ku mavhanda aga Hagonzi aha MWENE uMulungu, na kwi izwi lye vháhomesheziizye. Ivho vhe vhatahavhumwamihaga uvhulanzi vhwavho, havhili vhatahogopaga kufwa.