uYuuda 1:20 - ULufingwi uLupwa

²⁰ Ileelo imwe vhankundwa, muyizenje mu lwitiho lwinyu ulufinjile nkaani nu kulaavha ku maha aga Mupepo uMufinjile.

Tesitamenti Umupwa 1965

²⁰ Imwe nyene, mwe vankundwa, muyizenjele palwitiho lwinyu ululusyʼuvufinjile, muputaje mwe mwa MupepʼuMufinjile,

uYuuda 1:20 Iomraidhean Croise

iMbombo izya Vhatumwa 15:9

UMulungu atásavhuliinye inga hansi, ku kwitu na ku kwavho, ahazelufwa amooyo gaavho kwi idala ilya kumwitiha uYeesu.

iMbombo izya Vhatumwa 26:18

uvhiigule aminso gaavho, vheepe mu shiisi na mu maha aga Mukwalanzi, vhinjile mu vhuzelu uvhwa Mulungu. Ipo pe vhaliswilwa uvhutalamalandu vhwavho, havhili vhaliivha pooka na vhanji vhonti vhe vhavhisiilwe kuvha vhafinjile kwi idala ilya kuniitiha ine.’”

iMbombo izya Vhatumwa 6:7

Izwi ilya Mulungu lihajendeelela kukumuha mu vhantu, avhalandati avha Yeesu vhahonjelaga kuvha avhinji mu Yelusaleemu, na vhapuuti avhinji vhoope vhahamwitihaga uYeesu.

iMbombo izya Vhatumwa 9:31

Mu manda igo, ivivhanza ivwa mu Yudeeya vwonti na mu Galilaaya na mu Samaliya, vihasankaanaga ahavhaliilizyo aha vhutehamu. Vihagomaga nu kumunyila uMwene. UMupepo uMufinjile ahavhagomwaga umwoyo, nu vhwinji vhwavho vhuhonjelaga.

VaLoma 15:2

Avhantu vhonti muli iswe, vhavhavhombelaje inyinza avhamwavho, inga vhazengwaje mu lwitiho.

VaLoma 8:15

Yeenya, uMupepo uwa Mulungu atakutupela kuvha twe vhazya vhe vhakumwogopa uMulungu, nkandi tukuvha twe vhaana vhaakwe nu kumwita uweene kuuti, “Taata wiitu.”

1 VaKolinti 1:8

UMulungu kwe avhagomwe kufishila kumpeleela, inga mutahinze mulongwe kuuti te mwe vhagolosu isiku liila lye uMwene wiitu uYeesu Chilisiti aliyinza kuvhalonga avhantu.

1 VaKolinti 10:23

Vhamo vhakuyanga vhakuti, “Iswe twitishiliilwe nu Mulungu kuvhomba zyonti.” Ileelo ine nkuti, te zyonti zye zili ni ilonka. Havhili poosye she vhakuti, “Iswe twitishiliilwe nu Mulungu kuvhomba zyonti.” Ileelo ine nkuti te zyonti zye zikwavwa kuvhagomwa avhantu mu lwitiho.

1 VaKolinti 14:15

Ishi nkwanzilwa kuvhomba ishooni? Kwe ndaavhaje mu njango injeni mwa Mupepo uMufinjile, havhili kwe ndaavhaje na ku njeele zyane. Havhili kwe nimbaje ku njango injeni mwa Mupepo uMufinjile, havhili kwe nimbaje na ku njeele zyane.

1 VaKolinti 14:26

Ishi vhamwitu tuti vhuli? Lwe muvhungiine kupuuta, inga wumo ali nu lwimbo nu wamwavho ali ni nsambiilizyo, wumo akwanza kuyanga zye uMulungu amulolesiizye nu wamwavho akuyanga injango injeni nu wamwavho akutantula injango injeni, izi zyonti zivhombehaje mu nsiivho izya kushizenga ishivhanza.

VaGalati 4:6

Ishi, mwe pe twe vhaana vhaakwe, uMulungu amusonteleziizye uMupepo uwa Mwana waakwe mu mooyo giitu, uMupepo we akutuvhiiha kuuti tumwitaje uMulungu tutinji, “Aba,” kwe kuuti, “Taata.”

VaEfeso 4:12

Imbombo yaavho ivho vhonti kwe kuvhasengaanya nu kuvhagomwa avhafinjile kuvhomba imbombo yaakwe. Vhakwanzilwa kuvhomba imbombo iya Mulungu, inga umuvhili uwa Chilisiti wuzengwe, kwe kuuti ishivhanza.

VaEfeso 4:16

Mu muvhili, inkole zisopenkiinye ivipelwa vwonti. Inga ivipelwa vwonti vikuvhomba imbombo yaakwe, pe umuvhili wonti wukukula nu kuzengwa ahinza. Isho vwe niiswe swenti tusopenkiine kwa Chilisiti. Ishi inga swenti tukuvhomba imbombo ye uweene atupiiye, pe kwe tugome nu kukundana nkaani.

VaEfeso 4:29

Mutayangaje amazwi amavhiivhi, muyangaje amazwi aga kuvhazenga avhamwinyu kulandatana na vwe yikwanzilwa, inga vhe vhakutejeelezya vhalyagaje ilonka.

VaEfeso 6:18

Ishi vhamwitu, ahavhaliilizyo honti mulaavhaje ku mpuuto zyonti inza vwe uMupepo uMufinjile akuvhalongola. Kuvhomba isho, muvhanje minso, mutalitaje kuvhalaavhila avhafinjile vhonti.

Kolosi 2:7

Musimpaje nu kuyizenga mu kwakwe, havhili mugomaje mu lwitiho inza vwe mwásambiliiye. Mumusalifwaje uMulungu nkaani.

1 VaTesaloniki 5:11

Ishi, suvhalizanyaaji nu kugomanya amooyo inza vwe mukuvhomba.

1 Timoti 1:4

Havhili uvhavhuuzye kuuti vhaleshe ivwili vwe vitahondeeye nu kutaha amazina aga wooka wooka aga vhataata, vhe vhahafwa. Izyo zye zikuleeta amadali, zitakuvhagomwa avhantu mu mbombo iya Mulungu ye yikufumililana nu lwitiho.

2 Timoti 1:5

Nkukumbuha vwe umwitisile uMulungu ishisita ishifumbo, inza vwe unyinakulu waaho uLooyisi, nu maayi waaho uEwuniike vhoope vhamwitisile. Ishi indi nu vhwanalyoli kuuti vhwevhulo, vwe niiwe uli.

uTiiti 1:1

Ukalaata uno nsimvile neene ne Paavhuli, ne muvhomvi uwa Mulungu, havhili ne mutumwa uwa Yeesu Chilisiti. Antumile kuzya vhantu avha Mulungu vhe avhasavhuuye wuuyo, kuuti vhavhe nu lwitiho. Havhili vhavhumanye uvhwanalyoli vhwonti vhwe vhukuleeta ulujendo ulwinza pilongolela ilya Mulungu.

Yakobu 2:22

Waalola vwe ulwitiho lwakwe lwálandatiine pooka ni mbombo yaakwe, kufishila pe luhalunjiha kwi idala ilya mbombo yaakwe?

2 Peteli 1:1

Ukalaata uno nsimvile neene ne Peeteli, ne muvhomvi, havhili ne mutumwa uwa Yeesu Chilisiti. Nkuvhasimbila imwe mwe muposheleeye ulwitiho luula ulwa nsavho, lwe niiswe tuluposheleeye. Muluposheleeye ulwitiho ulwo kwi idala ilya vhugolosu uvhwa Mulungu wiitu uMuposhi uYeesu Chilisiti.

1 Yohani 5:4

Nkuti te ngomu, mwe pe wonti we mwana wa Mulungu, akuzipoota imbiivhi izya mu nsi. Ishintu she shikutwavwa kuzipoota imbiivhi izya mu nsi, lwitiho lwitu kwa Yeesu Chilisiti.

uYuuda 1:3

Vhankundwa, naamile nu mute nkaani kuuti mbasimbile izya vhuposhi vhwitu swenti. Ileelo naalola kuuti nkwanzilwa kuvhasimbila nu kuvhalambiilizya nkaani kuuti, mulwilaje ulwitiho lwe avhafinjile vhaposheleeye lwoka vhweleele.

Ishitushizya 13:10

Umuntu we akwanzilwa kugomwa, woope aliigomwa. Umuntu we akwanzilwa kuuti avhantu vhamugoje kwi ipanga, woope vhalimugoga kwi ipanga. Pe ishi, avhafinjile vhakwanzilwa vhavhe nu vhujimbiilizu nu lwitiho.