uYuuda 1:16 - ULufingwi uLupwa

¹⁶ Ivha, vhantu vhe vhakuyivhuna nu kukwinkwina shiima. Vhakulandata impapilo zyavho, havhili vhakuyanga amazwi amamwamu nkaani aga kuyitumvwa. Vhakuvhatiima avhantu inga vhalyaje ilonka.

Tesitamenti Umupwa 1965

¹⁶ Avene ve vahatalukwinkwino nuludwegano, vakujenda mumpapilo zyavo, amalomu gavo gakuyanga amazwi amadudusu, vakuvasukumilʼavantu ukuti valonkaje ṿimo.

uYuuda 1:16 Iomraidhean Croise

uLuuka 15:2

Pe aVhafalisaayi na vhasambiilizi avha ndajizyo vhahanda kukwinkwina kuuti, “Yeenya umuntu uno! Akuvhaposheela avhatalamalandu nu kulya pooka navho.”

uLuuka 19:7

Avhantu vhonti vhe vhámuvhwenyi uYeesu lwe akwinjila muula, vhahanda kukwinkwina, vhahati, “Shooni she asogola kutendama mwa muntu umutalamalandu!”

uLuuka 5:30

Avhasambiilizi avha ndajizyo izya Moose na Vhafalisaayi, vhahanda kuvhakwinkwina avhasundikwa avha Yeesu, vhahatinji, “Shooni she mukulya nu kumwela pooka na vhasonchezya musonko na vhatalamalandu?”

Yohani 6:41

Pe aVhayuuda vhahanda kukwinkwina, mwe pe uYeesu átili, “Ine ne shaakulya she uMulungu ashileesite kufuma ku mwanya.”

Yohani 6:61

Lwe uYeesu aamanya kuuti avhasundikwa vhaakwe vhakukwinkwina ku ziila zye áyanzile, ahavhavhuziilizya ahati, “Vhuli, amazwi iga gavhapunuzya?

1 VaKolinti 10:10

Havhili mutakwinkwinaje inza vhamo muli ivho vwe vhákwinkwinile, uhavhizya umugozi ahavhalovwa.

VaGalati 5:16

Ishi nkuvhavhuuzya kuuti, ulujendo lwinyu lulongolwaje nu Mupepo uMufinjile, pe te muhalandate havhili impapilo izya vhuntu vhwinyu uvhwa vhutalamalandu.

VaGalati 5:24

Avhantu vhe vhali mwa Chilisiti uYeesu, vhavhuhomeleeye pa shihovhenkanyo uvhuntu vhwavho uvhwa vhutalamalandu pooka ni nsiivho zyakwe imbiivhi ni mpapilo.

Filipi 2:14

Muvhombaje inongwa zyonti ishisita kukwinkwina, ni shisita kudalinkana.

1 VaTesaloniki 4:5

Mutahiime ni mpapilo imbiivhi inza avhantu avha kunzi vhe vhatamumanyile uMulungu.

1 Timoti 6:5

nu kudalinkana na vhamwavho shiima. Avhantu ivho zye vhakusiivha, mbiivhi, vhatali nu vhwanalyoli. Vhakusiivha kuuti kuvha nu lujendo ulwinza pilongolela ilya Mulungu lye lidala ilya kulyaga ilonka.

2 Timoti 4:3

Yeenya, ahavhaliilizyo he hakwinza, avhantu te vhahitihaje kutejeelezya insambiilizyo izya nalyoli. Ileelo vhalisungwaga kulandata impapilo zyavho, mwe pe vhalivhavhungaaniha avhasambiilizi avhinji vhweleele, vhe vhalivhavhuzyaga amazwi aga kuvhahondezya lwe vhakutejeelezya.

1 Peteli 1:14

Muvhanje inza avhaana vhe vhali nu mushinzi. Mutalongolwaje ni mpapilo zyinyu zye mwáli nazyo lwe mushiili kumumanya uMulungu,

1 Peteli 2:11

Vhankundwa, nkuvhalambiilizya, mwe pe muli ngati mwe vhajeni mu nsi umu, havhili mukutuuha, muzileshe impapilo izya vhuntu uvhwa vhutalamalandu zye zikulwana na mooyo giinyu.

1 Peteli 4:2

Ahavhaliilizyo hiinyu he hasyaye aha kulandila pa nsi ipa, muleshe kulandila kulandatana ni mpapilo izya mavhili giinyu, nkandi mulandilaje inza vwe uMulungu akwanza.

2 Peteli 2:10

Alivhalonga vhaala vhe vhakuzilandata impapilo izya vhuntu vhwavho uvhwa vhutalamalandu nu kugasuufwa amaha aga Mulungu. Avhantu ivho vhali nu lukaani, havhili vhakuyitumvwa, vhakuvisaamula ivipelwa ivishindamu ivwa ku mwanya.

2 Peteli 2:18

Avheene vhakuyanga amazwi aga kuyitumvwa ge gatakwavwa naashimo. Havhili ku mpapilo izya vhumalaaya zye zikufumiilana nu vhuntu vhwavho uvhwa vhutalamalandu, vhakuvhahopenkanya avhiitisi vhe vhatagomile mu lwitiho, vhe vhalesile kuvhomba zye avhatalamalandu vhakuvhomba.

2 Peteli 3:3

Yikwanzilwa mumanye suuti kuuti insiku izya vhusililishilo vhaliyinza avhantu avha isuufwo, vhe vhalivhasufwaga imwe nu kuzilandata impapilo zyavho.

uYuuda 1:15

kuvhalonga avhantu vhonti, nu kuvhasunda vhonti vhe vhatakumushindiha uMulungu. Akuvhasunda kuzya mbombo zyavho zyonti izya vhupuvi na mazwi amagomu gonti ge avhatalamalandu ivho vhamuyanzile uweene.”

uYuuda 1:18

Vhátili, “Amanda aga kumpeleela, kuliivha avhantu vhe vhakujevhula nu kuzilandata impapilo zyavho izya vhupuvi.”